Баранавіцкія прадпрымальнікі збіраюцца ў вымушаны адпачынак
Яны просяць кіраўнікоў банкаў і мясцовую ўладу растлумачыць фінансавую сітуацыю ў краіне.
Індывідуальныя прадпрымальнікі Баранавічаў запрасілі прадстаўнікоў банкаў і мясцовай улады на сход з просьбай растлумачыць фінансавую сітуацыю ў краіне і вызваліць іх ад выплаты арэнды на час вымушанага водпуску ў чэрвені.
«У сувязі з адсутнасцю замежнай валюты ў банках РБ індывідуальныя прадпрымальнікі вымушаныя прыпыніць сваю дзейнасць у чэрвені», — сказана ў заяве. Заява, падпісанае Саветам рынку, прадпрымальнікі даставілі сёння кіраўніку ААТ «АСБ «Беларусбанка», начальніку Баранавіцкага ГАУС і начальніку ўпраўлення эканомікі Баранавіцкага гарвыканкама.
«Мы не паспяваем за ростам курсу валюты, — адзначыў прадпрымальнік з Аляксееўскі рынку. — Раніцай прадаеш па адной цане, а пасля абеду закупачныя цэны ўжо вышэй на 20-30-40%! Лепш зачыніцца і перачакаць, чым працаваць у страту».
«Прычыны, па якіх тармозіцца наша праца, не залежаць ад нас. У краіне няма стабільнага курсу даляра, а ўлады нічога не робяць, — адзначыў сябра каардынацыйнай рады прадпрымальнікаў Баранавіцкага каапрынку Мікалай Чарнавус. — Чаму прадпрымальнікі адны павінны несці страты?»
Па дадзеных Мікалая Чарнавуса, колькасць ІП, якія жадаюць сысці ў вымушаны адпачынак, можа дасягнуць 20%.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»3
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары