20 чэрвеня ў Маскве пройдуць перамовы міністраў замежных спраў Беларусі і Расіі Сяргея Мартынава і Сяргея Лаўрова.
Як паведамляла раней прэс-служба МЗС Беларусі, бакі абмяркуюць шырокае кола пытанняў беларуска-расійскага супрацоўніцтва, ход рэалізацыі праграмы ўзгодненых дзеянняў у сферы знешняй палітыкі дзяржаў — удзельніц Дагавора аб стварэнні Саюзнай дзяржавы на 2010—2011 гады.
Афіцыйны прадстаўнік МЗС РФ Аляксандр Лукашэвіч напярэдадні візіту Мартынава ў Маскву паведаміў, што "будуць абмеркаваны магчымасці пашырэння і паглыблення далейшай сумеснай працы ў межах інтэграцыйных структур на прасторы СНД, у прыватнасці ў межах Мытнага саюза і Адзінай эканамічнай прасторы з прыцэлам на фарміраванне Еўразійскага эканамічнага саюза".
Міністры таксама абмяркуюць перспектывы расійска-беларускага ўзаемадзеяння ў фармаце АБСЕ і іншых міжнародных рэгіянальных арганізацый.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро15
Каментары