Каля пасольства Беларусі ў Варшаве праходзіць акцыя пратэсту
У Варшаве каля будынка пасольства Беларусі праходзіць акцыя пратэсту з патрабаваннем вызваліць гродзенскага журналіста Андрэя Пачобута. Арганізатарамі акцыі выступілі выданне Gazeta Wyborcza, дзе працуе Пачобут, а таксама варшаўскі фонд «Свабода і дэмакратыя».
Як паведаміў сакратар гэтага фонду Марэк Буцько, акцыя прымеркавана да магчымага вынясення прыгавору Пачобуту сёння ў Гродне (ужо пасля пачатку акцыі стала вядома, што судовыя слуханні па справе Пачобута перанесены на 5 ліпеня)
Паводле слоў Буцько, удзельнікі акцыі спадзяюцца прыцягнуць увагу вадзіцеляў аўтамабіляў, каб яны сігналілі, праязджаючы міма беларускага пасольства. Акрамя таго, да ўдзелу ў пратэсце прыцягваюцца пешаходы.
Уласны карэспандэнт Gazeta Wyborcza ў Гродне Андрэй Пачобут абвінавачваецца па двух артыкулах Крымінальнага кодэкса: ч. 1 арт. 368 (зневажанне прэзідэнта Беларусі) і ч. 1 арт. 367 (паклёп у дачыненні да прэзідэнта) за публікацыі ў Gazeta Wyborcza, на сайце «Беларускі партызан» і на старонцы ў «Жывым журнале». Сваёй віны журналіст не прызнае.
З 6 красавіка Пачобут знаходзіцца пад вартай. Суд над ім вядзецца ў закрытым рэжыме.
Вызвалення беларускага журналіста патрабуюць праваабаронцы, улады Польшчы, ЕС і ЗША.
-
Да маці беларускага вандроўніка, які здзейсніў кругасветку, прыходзілі сілавікі
-
Прапагандысты пасля роліку ў тыктоку паехалі ў вясковую краму — там ужо ўсе задаволеныя, а паліцы поўныя
-
«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы
Цяпер чытаюць
Польшча прызнала Аляксандра Машэнскага непажаданай асобай35
Каментары