Кэтрын Эштан асудзіла прывядзенне ў выкананне ў Беларусі чарговых смяротных прыгавораў
Вярхоўны прадстаўнік ЕС па замежных справах і палітыцы бяспекі Кэтрын Эштан 22 ліпеня ў Бруселі выступіла з заявай, у якой асудзіла прывядзенне ў выкананне смяротных прыгавораў у Беларусі.
«Я рашуча асуджаю смяротную кару Алега Грышкаўцова і Андрэя Бурдыкі, прыгавораных у Беларусі да смерці ў маі 2010 года, пра якую паведамілі дзяржаўныя СМІ», — цытуе Эштан яе
«Я ведаю пра жудасныя злачынствы, учыненыя гэтымі двума асобамі, і ў думках я з ахвярамі і іх сем’ямі. Тым не менш Еўрасаюз выступае супраць прымянення смяротнай кары пры любых акалічнасцях», — заявіла кіраўнік знешнепалітычнага ведамства ЕС.
Эштан заклікала Беларусь далучыцца да глабальнага мараторыя на смяротную кару, як да першага кроку да паўсюднай яе адмены.
Пра расстрэл двух гродзенцаў, Алега Грышкаўцова і Андрэя Бурдыкі, стала вядома 20 ліпеня з публікацыі ў газеце «Вечерний Гродно».
Смяротны прыгавор ім вынес 14 мая 2010 года Гродзенскі абласны суд. Грышкаўцова і Бурдыку прызналі вінаватымі адразу па некалькіх артыкулах Крымінальнага кодэкса: «Забойства дзвюх і больш асоб з асаблівай жорсткасцю, спалучанае з разбойным нападам»; «Разбой з прычыненнем цяжкіх цялесных пашкоджанняў»; «Наўмыснае пашкоджанне маёмасці шляхам падпалу»; «Выкраданне малалетняга групай асоб»; «Разбойны напад»; «Замах на крадзеж аўтамашыны» і «Крадзеж дакументаў». Пасля вынясення прыгавору асуджаныя прасілі прэзідэнта аб памілаванні, але атрымалі адмову.
22 ліпеня прывядзенне ў выкананне двух смяротных прыгавораў у Беларусі асудзіў дакладчык Парламенцкай асамблеі Савета Еўропы (ПАСЕ) па Беларусі Андрэс Херкель.
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары