Чыгуначны вакзал у Мінску ачэплены з-за ананімнага званка аб замініраванні.
Цэнтральны чыгуначны вакзал у Мінску ачэплены з-за ананімнага тэлефанавання ад невядомага мужчыны пра тое, што вакзал нібыта замініраваны.
Зараз будынак вакзала ачэплены, там працуе група размініравання. Папярэдне з ачапленай тэрыторыі былі эвакуяваныя пасажыры і наведвальнікі. Дакладная колькасць эвакуяваных ў УУСТ пакуль назваць не могуць. Затрымкі ў руху цягнікоў не адбылося.
Паводле інфармацыі УУСТ, сёння каля трох гадзін дня ў дзяжурныя службы 101 і 103 паступіла адразу два тэлефаванні (з розніцай у адну хвіліну) аб замініраванні. Спачатку невядомы мужчына паведаміў аб тым, што нібыта замініраваны Цэнтральны чыгуначны вакзал у Мінску і вакзал у Маладзечне, затым паступіў званок па лініі 103, мужчына паведаміў аб замініраванні толькі сталічнага вакзала.
Каментары