Падпалкоўнік, які будаваў катэдж для вызваленага генерала Хацько, па-ранейшаму пад следствам
Самога ж экс-генерала памілавалі.
Самога ж экс-генерала памілавалі.
У судзе Кастрычніцкага раёна Гродна працягваецца працэс па справе былога кіраўніка гродзенскай міліцыі экс-генерала Генадзя Хацько, піша газета «Вечерний Гродно». Яго намеснік па гаспадарчай часці Сяргей Руднік абвінавачваецца ў злоўжыванні ўладай і службовымі паўнамоцтвамі пры будаўніцтве яго ж, Хацько, катэджа. Як адзначае «ВГ», узнікае парадокс: генерал, які аддаваў загады, вызвалены ад крымінальнай адказнасці, а яго падначалены, які гэтыя загады выконваў, застаецца абвінавачаным.
У мінулым годзе рыначная цана дома генерала, збудаванага ў раёне «Паўднёвы», складала каля $200 тысяч. Хацько атрымаў прабачэнне асабіста ад Лукашэнкі, сплаціўшы ў бюджэт 30 мільёнаў беларускіх рублёў. Яму вярнулі арыштаваную маёмасць і нават захавалі генеральскую пенсію. Не кажучы пра тое, што ён не панёс ніякай адказнасці за фактычныя ўцёкі ад следства ў Расію.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары