Беларусь заняла 145‑е месца ў рэйтынгу эканамічна свабодных краінаў
У справаздачы адзначаецца: у Беларусі амаль няма фінансавых і інвэстыцыйных свабод, нізкі ўзровень правоў на ўласнасьць, высокая ступень карумпаванасьці чыноўнікаў.
Амэрыканскі дасьледчы фонд Heritage Foundation сумесна з The Wall Street Journal рэпрэзэнтаваў сёньня традыцыйны рэйтынг эканамічных свабод. Аналітыкі Фонду ацэньваюць краіны па 10‑ці катэгорыях – ад карупцыі і фінансавых свабод да незалежнасьці бізнэсу ад ураду.
Беларусь у гэтым рэйтынгу заняла 145‑е месца. Прыкладам, каб адкрыць уласны бізнэс у краіне, патрэбна 68 дзён. У справаздачы адзначаецца: у Беларусі амаль няма фінансавых і інвэстыцыйных свабод, нізкі ўзровень правоў на ўласнасьць, высокая ступень карумпаванасьці чыноўнікаў.
Першае месца ў агульным рэйтынгу заняў Ганконг з паказчыкам 89,3 бала са ста магчымых. На другім месцы – Сынгапур, на трэцім – Аўстралія. Расея займае 120‑ы радок (паміж Кітаем і Нэпалам у катэгорыі «у асноўным несвабодныя»).
Сярод былых савецкіх рэспублік лепш за ўсіх выглядае Эстонія – 12‑е месца, Літва – 22‑е месца, Армэнія – 32‑е. Яшчэ ніжэй за Беларусь аказаўся Туркмэністан – ён на 152‑м месцы.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»3
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары