«У нас некаторыя ва ўнутраных чэмпіянатах умудрыліся па $20–25 тыс. у месяц атрымліваць і крычаць, што ў КХЛ значна больш».
У спартыўным асяроддзі не павінны культывавацца ўтрыманскія падыходы ў пытаннях фінансавання спартыўных арганізацый, заявіў сёння на нарадзе па пытанні аказання падтрымкі арганізацыям фізічнай культуры і спорту Аляксандр Лукашэнка.
«Жыць трэба па сродках, а атрымліваць зарплату, прэміі і іншае, зыходзячы з канкрэтна ўкладзенай працы»,— падкрэсліў ён.
Пры гэтым Аляксандр Лукашэнка адзначыў, што адны рэзультаты не роўныя з іншымі. «Напрыклад,
можна займаць першае месца ў хакейным чэмпіянаце Беларусі і, напрыклад, у КХЛ займаць пятае месца і не быць чэмпіёнам, але карысці для краіны прыносіць у другім выпадку значна больш,— растлумачыў ён. — Што грахі таіць, наш чэмпіянат слабы ў гэтых адносінах, як і многія іншыя па гульнявых відах спорту. І што тут параўноўваць чэмпіёна краіны з камандай, якая выступае ў міжнародных спаборніцтвах».
«У нас некаторыя, трэнеры і іншыя спецыялісты, ва ўнутраных чэмпіянатах умудрыліся па $20–25 тыс. у месяц атрымліваць і крычаць, што ў КХЛ значна больш.А ці зарабіў гэты спецыяліст, трэнер або кіраўнік клуба такія грошы, ці адпавядае зарплата ўкладзенай працы? Адказ адназначны — не, — падкрэсліў Аляксандр Лукашэнка. — Таму з гэтым утрыманствам трэба заканчваць».
Як адзначыў кіраўнік дзяржавы, яшчэ ў маі на нарадзе аб дзяржаўнай падтрымцы спорту было вырашана, што неабходна перагледзець механізмы фінансавання спартыўных арганізацый і ўмовы аплаты працы іх кіраўнікоў, трэнераў і спартсменаў. «Тады ўраду было дадзена канкрэтнае даручэнне — выпрацаваць новую аптымальную формулу як па фарміраванню бюджэтаў клубаў, так і па ўзроўню аплаты працы, — адзначыў ён. — За мінулы час прапаноўвалася некалькі варыянтаў змянення існуючай практыкі дзяржпадтрымкі гульнявых відаў спорту. Аднак яны не былі прыняты, бо не ў поўнай меры ўлічвалі сучасную сітуацыю і недастаткова стымулявалі арганізацыі на здабыванне фінансавых сродкаў сваімі сіламі, а не за кошт дзяржбюджэту».
Паводле слоў Лукашэнка, практычна нязменным заставалася становішча, калі 70% даходаў клубаў, як і папярэднія гады, фарміруецца з бюджэтных крыніц і спонсарскай дапамогі прадпрыемстваў рэальнага сектара эканомікі. У той жа час у расходнай частцы львіную долю, або амаль 60 працэнтаў па выніках 2010 года, складае заработная плата кіраўнікоў, трэнераў і спартсменаў незалежна ад вынікаў іх дзейнасці. «Лічу, што такія ўтрыманскія падыходы не павінны культывавацца ў спартыўным асяроддзі. Патрабаванні выніковасціі работы і жыцця па сродках абавязковыя для ўсіх!» — падкрэсліў кіраўнік дзяржавы.
На нарадзе ўвазе Лукашэнкі прадстаўлены праекты нарматыўных актаў аб аказанні падтрымкі арганізацыям фізічнай культуры і спорту, у тым ліку праект адпаведнага ўказа. «Перш чым гаварыць аб структуры прапаноў, сістэме, давайце дамовімся аб крытэрыях, — сказаў Аляксандр Лукашэнка, звяртаючыся да ўдзельнікаў нарады. — Асноўны крытэрый — укладзеная праца, адсюль адпаведная зарплата і плата з бюджэту, другі — рэзультаты, трэці — скарачэнне фінансавання з бюджэту».
«Што гэта за клубы, прытым прыватныя або змешаныя, накшталт акцыянерных таварыстваў, якія фінансуюцца з бюджэту? Клубы павінны самі зарабляць грошы на сваю дзейнасць.Пры гэтым асабліва трэба ўлічваць вынікі, паказаныя на вышэйшых спартыўных форумах: Алімпійскія гульні, чэмпіянаты свету і Еўропы».
Аднак, паводле слоў кіраўніка дзяржавы, скарачэнне фінансавання з бюджэту зусім не азначае, што ў дзяржавы няма грошай на развіццё спорту і ў тым ліку на аплату высокіх спартыўных дасягненняў. «На тое, каб заплаціць за добрыя паказчыкі і рэзультаты, у краіне грошы заўсёды былі і будуць, але трэба дакладна разумець, што ёсць нейкі ўзровень, які трэба дасягнуць чалавеку, каб атрымаць нейкую падтрымку».
«Усё павінна, як вы любіце гаварыць, быць рыначна. Ёсць работа, рэзультат — ёсць плата, — падкрэсліў Аляксандр Лукашэнка. — Крытэрый павінен быць асноўны, які будзе падштурхоўваць клубы зарабляць грошы. Зарабіў Br1 млрд. — мы табе на гэты мільярд дададзім Br100 млн. з бюджэту, Br2 млрд. — Br200 ці Br300 млн.». Кіраўнік дзяржавы таксама папярэдзіў аб недапушчальнасці націску на спонсараў у пытаннях аказання фінансавай падтрымкі спартыўным арганізацыям:
«Спонсараў не нахіляць больш.Дабрачынная дапамога павінна быць дабрачыннай, і Прэзідэнт не павінен указваць, каму колькі і якія прадпрыемствы будуць клубу даваць грошы. Няхай ідуць самі, з улікам
«Грошы трэба зарабляць, няма шалёных больш грошай. Я гавару гэта і вяскоўцам, і прамыслоўцам, і іншым. Не таму, што ў нас няма грошай, грошай у краіне хапае, але грошы трэба зарабляць. Гэта асноўны крытэрый. Тады ў нас не будзе ні панікі, ні катаклізмаў, ні крызісаў, ні аўралу», — рэзюмаваў Аляксандр Лукашэнка.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары