Лукашэнка: Будзе стабільна ў гэтага «мядзведзя расійскага» — і нам будзе нармальна

«Будзе нармальна, стабільна ў гэтага „мядзведзя расійскага“ — і нам будзе нармальна. Калі толькі зварухнецца Расія, як гэта было ў канцы мінулага стагоддзя, цяжка будзе і нам», — заявіў Аляксандр Лукашэнка 26 кастрычніка на сустрэчы з удзельнікамі пасяджэння Савета Парламенцкай асамблеі АДКБ у Мінску.

Паводле звестак прэс-службы, Лукашэнка пажадаў расійскаму боку паспяхова прайсці перадвыбарны этап: «У спляценні палітычных момантаў неабходна вытрымаць, выдужаць, таму што мы бачым, які накат цяпер ідзе на кіраўніцтва Расійскай Федэрацыі, і вы гэта годна вытрымліваеце. Але мы разумеем, што мы ў рынкавай эканоміцы, і гэта заўсёды то на фінансы, то на эканоміку ўздзейнічае, то адток капіталу, то людзі пачынаюць кідацца сюды-туды, мы гэта перажывалі.

Таму дай бог, каб Расія гэта годна вытрымала, таму што наша кроўная ў гэтым зацікаўленасць, усіх рэспублік».

Лукашэнка заявіў, што чакае сур`ёзных рашэнняў ад пасяджэння Савета калектыўнай бяспекі АДКБ у снежні.

Паводле яго меркавання, адным з сур`ёзных пытанняў, якое заслугоўвае дэталёвай прапрацоўкі, з`яўляецца выкарыстанне КСАР АДКБ. Лукашэнка адзначыў, што на першым этапе ўдзельнікі АДКБ не надта імкнуліся стварыць рэальныя сілы аператыўнага рэагавання. Аднак цяпер яны аснашчаны сучасным абсталяваннем і тэхнікай. «Кіргізскія падзеі паказалі, што мы не заўсёды рэагуем нармальным чынам на сітуацыю, якая ўзнікае ў нашых братоў, у нашых сяброў. Гэта падштурхнула нас да таго, што ў нас павінна быць сістэма рэагавання», — сказаў беларускі кіраўнік, дадаўшы, што пакуль гэта сістэма добра не адладжана.

Лукашэнка лічыць, што апошнія падзеі ў сусветнай эканоміцы яшчэ больш падштурхнулі дзяржавы да інтэнсіўнага, цеснага супрацоўніцтва. У гэтай сувязі ён адзначыў асаблівую ролю АДКБ.

Ён заявіў, што яго пісьмы і абагульненні, накіраваныя кіраўнікам дзяржаў пасля нефармальнага саміту ў Астане,

«выклікалі бурную рэакцыю ва ўсім свеце, і найперш у ЗША, на Захадзе і ў НАТО». «Усё гэта было павешана ў чарговы раз на мяне.

Падчас выступлення ён выказаў упэўненасць, што «ўсе рэспублікі, якія сёння ўваходзяць у ЕўрАзЭС, стануць членамі АДКБ без выключэння». «Нават Узбекістан, займаючы сёння асаблівую пазіцыю, урэшце зразумее, што без АДКБ яму цяжка будзе захаваць сваю незалежнасць, — заявіў афіцыйны лідар. — Вырашэнне гэтага пытання з`яўляецца суверэннай справай Узбекістана, і мы не ўмешваемся. Хоць я нядаўна прэзідэнту Расіі свае меркаванні накіраваў. Нам трэба прымаць рашэнне па Узбекістане. Таму што трайная гульня, якую сёння вядзе Узбекістан, не дазваляе яму знаходзіцца ў АДКБ».

Узбекістан, паводле слоў Лукашэнкі, дагэтуль не ратыфікаваў ніводнага значнага дакумента, прынятага ў межах АДКБ, а толькі фармальна заявіў, што нібыта вяртаецца ў АДКБ.

• 0
• 0
• 0
• 0
• 0
• 0
• 0
• 0