ЕС прафінансаваў рамонт трох кватэр для бежанцаў у Мінску
Сёння Майра Мора — кіраўнік Прадстаўніцтва Еўрапейскага Саюза ў Беларусі — узяла ўдзел у цырымоніі перадачы трох кватэр для бежанцаў, адрамантаваных у рамках праекта тэхнічнай дапамогі, які фінансуе ЕС, а ажыццяўляе УВКБ ААН. Агульны аб’ём фінансавання праекта — 2,585 мільёна еўра. Кошт рамонту кватэр склаў 59 000 еўра.
Рэгіянальны праект пачаўся ў 2009 г. і ажыццяўляецца ў Беларусі, Малдове і Украіне. Бягучыя працы скончацца ў снежні, і ў студзені 2012 года пачнецца новы двухгадовы этап, агульны бюджэт якога складзе 1,4 млн еўра.
Праект прадугледжвае, сярод іншага, заснаванне кансультацыйных службаў для бежанцаў па пытаннях занятасці, прадастаўленне дапамогі тым дзяржаўным ведамствам, якія падтрымліваюць бежанцаў у вырашэнні сацыяльных пытанняў, а таксама правядзенне курсаў прафесійнай і моўнай падрыхтоўкі.
З 2001 г. фінансавая падтрымка, прадастаўленая Беларусі ЕС у рамках праектаў, якія ахопліваюць шэраг краін, у сферы міграцыі і атрымання прытулку склала 14 мільёнаў еўра; аб’ём падтрымкі праектаў, што рэалізуюцца выключна ў Беларусі, склаў 2,1 млн еўра.
Амбасадар Мора падзякавала УВКБ ААН за выдатную працу ў рамках праекта і дадала: «На бюджэтны перыяд з 2007 па 2013 гг. Еўрапейскі саюз выдзеліў 175 млн еўра на праекты ў шматлікіх сферах толькі ў двухбаковым фармаце, без уліку рэгіянальных праектаў, у якіх Беларусь бярэ ўдзел. На маю думку, гэта выразна дэманструе, наколькі моцна ЕС імкнецца падтрымліваць беларускі народ».
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары