«Улад плача, кажа, што нічога не баіцца, толькі сумуе па ўсіх нас».
З Уладзіславам Кавалёвым, асуджаным да смяротнага пакарання, у аўторак сустрэлася яго сястра Таццяна. Спатканне прайшло ў ізалятары КДБ.
Сваякам асуджанага па справе аб тэракце ў мінскім метро не патлумачылі, чаму замест трохгадзіннага спаткання, ім далі некалькі хвілін.
Як распавяла Любоў Кавалёва, яе дачка Таццяна выйшла пасля сустрэчы з братам у слязах.
— Улад плача, кажа, што нічога не баіцца, толькі сумуе па ўсім нам, — кажа жанчына. — Таня яму сказала, што мы за яго змагаемся, каб трымаўся.
Падчас размовы высветлілася, што Уладу Кавалёву не перадалі пасылку ад маці, прынятую напярэдадні.
Асуджанаму сказалі: «Не трэба».
— Мы будзем пісаць скаргі, — расплакалася па тэлефоне Любоў Кавалёва.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары