Сёння ў Мінску затрымалі моладзевых актывістаў Андрэя Крэчку і Аляксандра Сцепаненку.
Андрусь Крэчка асуджаны на 5 сутак адміністрацыйнага арышту. Сам ён звязвае затрыманне з тым, каб не змог паўдзельнічаць у акцыі 31 снежня.
Па інфармацыі праваабаронцаў, Крэчка сёння ў 11.35 даслаў смс-паведамленне, што яго вязуць у РУУС Савецкага раёна Мінска. Затрымалі яго дома супрацоўнікі міліцыі ў цывільным. У наступным смс ён напісаў, што знаходзіцца ў кабінеце начальніка крымінальнага вышуку, які ў той момант быў на абедзе. Малады чалавек таксама паведаміў, што яго не білі. А вінавацяць у дробным хуліганстве — нібыта лаяўся. На яго склалі адпаведны пратакол. Не выключана. Па інфармацыі ПЦ «Вясна», Андрэя даставілі ў суд.
29 снежня ў 12.30 міліцыянты прыйшлі і да моладзевага актывіста АГП Аляксандра Сцепаненкі. Патлумачылі, што ён неадкладна мусіць праехаць у РУУС Першамайскага раёна сталіцы. Прычыну яму не назвалі.
Магчыма, гэта прэвентыўныя арышты, каб не дапусціць антылукашэнкаўскіх акцый у навагоднюю ноч.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Да «Дня народнага адзінства» памілавалі 25 чалавек4
Каментары