Чыгуначны раённы суд Гомелю на 5 сутак асудзіў актывіста руху «Рэвалюцыя праз сацыяльную сетку» Зьмітра Шаўчэнку.
Жонка Зьмітра паведаміла Свабодзе, што мужа затрымалі па абедзе ля прыпынку грамадзкага транспарту. За што — невядома. Зьміцер пасьпеў сказаць па тэлефоне, што яго арыштавалі на 5 сутак.
У Чыгуначным раённым аддзеле міліцыі Гомелю пацьвердзілі, што суд сапраўды пакараў Зьмітра Шаўчэнку адміністрацыйным арыштам на 5 сутак паводле артыкулу 23.34 — парушэньне парадку арганізацыі альбо правядзеньня масавага мерапрыемства.
Арышт актывіста, пэўна, зьвязаны з прызначанай на навагоднюю ноч акцыяй руху «Рэвалюцыя праз сацыяльную сетку».
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары