Тэлеканал грунтуецца на словах адыёзнага дзеяча Міхаіла Рашэтнікава.
Відэа Naviny.by
Расійскі тэлеканал НТВ у праграме «Максімум» паспрабаваў высветліць, навошта нарвежскі тэрарыст Андрэас Брэйвік ездзіў у Беларусь.
Спачатку карэспандэнт НТВ наведаўся ў Акадэмію навук, дзе з дапамогай археолага Андрэя Вайцяховіча паспрабаваў прасачыць «варажскі след» у беларускім маршруце Брэйвіка. Раней паведамлялася, што ў нашу краіну нарвежац наведаўся з мэтай пошукаў магілаў вікінгаў. Археолаг не здолеў пацвердзіць факт звароту Брэйвіка па кансультацыі да беларускіх гісторыкаў. Нічога не ведаюць пра візіт тэрарыста ў Беларусь і ўдзельнікі рыцарскіх клубаў.
Далей у сюжэце НТВ з’яўляецца адыёзны дзеяч Міхаіл Рашэтнікаў, старшыня так званай Беларускай партыі патрыётаў. Ён заявіў журналістам тэлеканала, што Брэйвік быў завербаваны супрацоўніцай беларускага КДБ. «Прыгожая, цікавая. Цэлы капітан беларускага КДБ», — так характарызуе агентку-вербоўшчыцу Рашэтнікаў. Па яго словах, у беларускім КДБ Брэйвік праходзіць пад аператыўнай мянушкай Вікінг. Ніякіх доказаў сваім словам Рашэтнікаў не прыводзіць, спасылаючыся на крыніцы ў камітэце.
У сюжэце праводзіцца наўпроставая паралель з гісторыяй Лі Харві Освальдам, які да замаху на Кенэдзі жыў у Мінску.
Варта адзначыць, што ён і раней рабіў заявы для расійскіх СМІ пра сувязь нарвежца з беларускімі спецслужбамі.
У наступнай перадачы НТВ абяцае расказаць пра сустрэчу з беларускай, з якой пазнаёміўся Брэйвік.
-
«Вы ведаеце, што большасць беларусаў лічаць вас нікчэмнымі халуямі?»
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары