Намесніку начальніка Бюро аховы ўраду генералу Паўлу Бяляўнаму пагражае да 3 гадоў турмы.
Сёньня польская пракуратура выставіла абвінавачаньне генэралу Паўлу Бяляўнаму, намесьніку начальніка Бюро аховы ўраду, у рамках расьсьледаваньня авіякатастрофы пад Смаленскам 10 красавіка 2010 году.
Генэрал Бяляўны абвінавачваецца ў невыкананьні службовых абавязкаў падчас падрыхтоўкі палёту прэзыдэнцкага Ту-154М і дапушчэньні хлусьлівай інфармацыі ў афіцыйным дакумэнце. Пракуратура не паведамляе дэталяў, інфармуючы толькі, што Бяляўнага абвінавачваюць яшчэ ў адсутнасьці належнага нагляду за дзеяньнямі па забесьпячэньні палёту першых асобаў дзяржавы.
Бяляўны, паводле паведамленьня пракуратуры, не прызнаў сваёй віны і адмовіўся даваць тлумачэньні.
Учора Бяляўны быў звольнены міністрам унутраных справаў са сваёй пасады ў Бюро аховы ўраду.
Бяляўнаму пагражае да трох гадоў пазбаўленьня свабоды.
Раней польскія пракуроры выставілі абвінавачаньне двум афіцэрам, што займалі высокія пасады ў палку транспартнай авіяцыі, у функцыі якога ўваходзіла перавозка першых асобаў дзяржавы.
10 красавіка 2010 году пры спробе прызямленьня на вайсковым аэрадроме пад Смаленскам разьбіўся польскі ўрадавы самалёт. Загінулі 96 чалавек, уключна з прэзыдэнтам Польшчы Лехам Качынскім.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары