На прэзэнтацыі двухтомніка «Рэпрэсаваныя праваслаўныя сьвяшчэнна‑ і царкоўнаслужыцелі Беларусі 1917‑1967» архімандрыт Аляксей Шынкевіч скончыў прамову словамі "Жыве Беларусь!".
У Менску прайшла прэзэнтацыя двухтомніка Леаніда Маракова «Рэпрэсаваныя праваслаўныя сьвяшчэнна‑ і царкоўнаслужыцелі Беларусі 1917‑1967». Прэзэнтацыя адбылася ў рамках выставы «Вербны кірмаш», якая праводзіцца з 24 па 31 сакавіка ў Палацы мастацтваў.
Антураж быў досыць цікавы. Над сцэнай вісеў вялікі плякат у чырвона‑зялёных колерах: «Сям’я — адзінствам і любоўю выратуемся». Зь левага боку ў куце вісеў абраз.
Аўдыторыя была стракатая: ад старэнькіх бабулек, што старанна захутваліся хусткамі, да маладых пісьменьнікаў‑авангардыстаў. Адныя перад пачаткам імпрэзы чыталі «Нашу Ніву», іншыя — праваслаўныя лісткі.
Нават вядучы імпрэзы, рэдактар выдавецтва Беларускага экзархату Віктар Папоў павітаўся з прысутнымі досыць цікавым чытам: «Добрый вечер, братие и сестры, шаноўнае спадарства». Прэзэнтацыю пачалі сьпевы харавой групы царквы сьв. Марыі Магдаліны, якія сьпявалі па‑расейску псальмы.
Леанід Маракоў расказаў, што працаваў над энцыкляпэдыяй 10 гадоў, «па 10‑16 гадзін у суткі». Сп. Маракоў сказаў, што ўвесь гэты час адчуваў дапамогу гэтых рэпрэсаваных сьвятароў і менавіта іх заслуга, што дасьледчык давёў справу да канца. Пасьля выступу Леаніда Маракова, хор выканаў «Сьвятая памяць», якую людзі слухалі стоячы.
На цудоўнай беларускай мове выступіў архімандрыт, прадстаўнік БПЦ па сувязях са СМІ Аляксей Шынкевіч. Ён сказаў, што гэтая кніга «застанецца ў памяці Царквы Нябеснай і Царквы Зямной».
Архімандрыт адзначыў: «Нярэдка сёньня мы можам пачуць нейкія паклёпы на праваслаўную царкву, што яна робіць нешта няправільна. Разам з тым гэтыя людзі забываюцца, што праваслаўная царква ў Беларусі выцерпела і перанесла цяжкасьцяў, болей, чым якая іншая, церпіць яна і сёньня. Гэтыя людзі пра якіх напісана ў кнізе сталіся сапраўднымі нацыянальнымі героямі. І дзякуючы іхняй веры сёньня мы гаворым: «Жыве Беларусь!».
Словы архімандрыта былі сустрэтыя сапраўднымі глядацкімі авацыямі.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос32
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары