З вялікім адрывам фінішаваў Кітай.
У Лондане скончыліся Паралімпійскія гульні.
Найболей медалёў заваяваў Кітай — 231 медаль: 95 залатых, 75 срэбраных і 65 бронзавых. Гэта ўдвая болей, чым у Расіі — 102 (36+38+28). У Вялікабрытаніі 120 узнагарод, але 34 залатыя.
Зборная Беларусі заняла ў агульным залікуПрычым усе пяць залатых узнагарод заваяваў плывец Ігар Бокій: стометроўкі вольным стылем, батэрфляем і на спіне; 400 метраў вольным стылем; 200 метраў комплексным плаваннем. Ён жа заваяваў срэбра на 50 метрах вольным стылем.25-е месца з 10 медалямі (5+2+3).
Акрамя таго, Уладзімір Ізотаў быў другім на дыстанцыі 100 метраў брасам, Людміла Валчок была трэцяй у акадэмічным веславанні, Аляксандр Субота — трэцім у трайным скачку, Ганна Канюк — таксама трэцяй у скачках у даўжыню.
У апошні дзень Параалімпіяды ў беларускай зборнай забралі бронзавы медаль.Плывец Дзмітрый Салей, які 8 верасня атрымаў бронзу на дыстанцыі 100 м брасам у катэгорыі SB13, у выніку быў зняты на 4-е месца, паколькі
аўстралійца Даніэля Шарпа, што фінішаваў другім, а затым быў дыскваліфікаваны, пазней аднавілі ў правах і ўручылі яму сярэбраную ўзнагароду.Такім чынам, тройка прызёраў на гэтай дыстанцыі выглядае так: чэмпіён украінец Аляксей Федына, які заваяваў золата з рэкордам Паралімпіяд (1 хв. 4,30 сек.) Срэбны медаліст аўстраліец Даніэль Шарп (1 хв. 6,72 сек., Рэкорд Акіяніі) і бронзавы прызёр расеец Раман Дубавы, які перамясціўся з другога на трэцяе месца (1 хв. 7,06 сек.). Уладальнік золата пекінскай Паралімпіяды-2008 на стометроўцы батэрфляем Дзмітрый Салей ў Лондане дыстанцыю 100 м брасам пераадолеў за 1 хв. 7,54 сек. і быў адсунуты з 3-га на 4-е месца. Пяціразовы чэмпіён цяперашняй Паралімпіяды беларус Ігар Бокій пасля рэабілітацыі Даніэля Шарпа на стометроўцы брасам перамясціўся з 6-га на 7-е месца (1 хв. 8,98 сек.).
Каментары