А да аўтараў кнігі праявілі цікавасць сілавыя структуры.
У інтэрнэце з’явілася інфармацыя пра тое, што з гарадзенскіх кнігарняў канфіскоўваюць падручнік «Гродназнаўства. Гісторыя еўрапейскага горада». Тое самае нам паведамілі нашы чытачы з Гродна.
Шыкоўнае і грунтоўнае, ілюстраванае і наватарскае па форме падачы матэрыялу выданне сёлета было хітом беларускамоўных продажаў у Гродне,аднак, паводле чутак, трапіла пад забарону праз апошнюю главу або яе адсутнасць: гісторыя Гродна ў кнізе напісаная да 1991 года, а паўстанне грамадзянскай супольнасці апісана падрабязна.
Па інфармацыі, якая з’явілася ў гарадзенскім блогуs13 , да аўтараў кнігі ўжо праявілі цікавасць сілавыя структуры.Аднак самі аўтары пакуль сітуацыю не каментуюць.
«Наша Ніва» звярнулася ў «Гроднакнігу», дзе пра знікненне «Гродназнаўства» «нічога не чулі», аднак пры гэтым параілі звярнуцца ў мінскую «Белкнігу».«Усе ініцыятывы нам спускаюць адтуль, якую кнігу прадаваць, якую прыбраць з прылаўкаў. Мы толькі пасрэднікі», — патлумачылі «НН» у прыёмнай дырэктара.
Што тычыцца «Белкнігі», то там пра сітуацыю з «Гродназнаўствам» таксама «нічога не чулі».
Па словах нашых чытачоў кніга знікла і з навуковай бібліятэкі Гродзенскага ўніверсітэта. Бібліятэкарка ўніверсітэта імкнулася даведацца, ад каго менавіта прайшла такая інфармацыя, а пасля паведаміла, што кніга знаходзіцца ў чытальнай зале бібліятэкі. На пытанне, ці можна яе ўбачыць у вольным доступе, яна адказала, што «на дадзены момант не валодае сітуацыяй».
Калі «Гродназназўства» насамрэч сканфіскавалі, то гэта азначае, што вяроўку на шыі беларускай культуры сцягваюць яшчэ мацней.У кнізе няма нічога, што афіцыйныя ўлады маглі б лічыць «крамольным», раней такія выданні ніхто не забараняў.
Зрэшты, раней такія цемрашальскія крокі найчасцей сыходзілі не ад высокіх чыноў, а ад дробных (ва ўсіх сэнсаў) начальнічкаў у выканкаме ці КДБ.Такі можа пабачыць выяву «Пагоні», якой з беларускай гісторыі не выкінеш, і тут жа схапіцца за пісталет.
Цяпер чытаюць
Дашкевіч расказаў, як трапіў за кратамі ў «нізкі статус» і напісаў прашэнне аб памілаванні8
Каментары