«Брэсцкія зубры» сталі 10-разовымі чэмпіёнамі Беларусі па бейсболе
23 верасня ў Брэсце яны сустракаліся ў фінале з камандай «Мінск» і перамаглі з лікам 9:3.
«Гэта выдатны вынік. У чэмпіянаце мы не прайгралі ніводнай сустрэчы, — паведаміў галоўны трэнер брэсцкай каманды Ігар Лукашэвіч. — Радуе і тое, што маладыя гульцы, якія першы сезон выступалі ў асноўнай камандзе, паказалі сябе з найлепшага боку. У канцы кастрычніка плануецца правядзенне Кубка Беларусі па бейсболе. Наша мэта — выйграць і стаць яго дзевяціразовымі ўладальнікамі».
У нядзелю на брэсцкім бейсбольным стадыёне таксама адбылася гульня за трэцяе месца. Каманда «Цукровы шторм» (Скідаль, Гродзенская вобласць) выйграла ў «Брэсцкіхзуброў-2 » з лікам 17:1.
Усяго ў турніры ўдзельнічалі шэсць каманд. На пятым месцы «Лагішынскія ваўкі» (пасёлак Лагішын Пінскага раёна), на шостым — «Сокалы» (Наваполацк).
27–30 верасня пройдзе міжнародны турнір па бейсболе «Кубак Брэста 2012». Чакаецца, што ён збярэ 10 каманд з Літвы, Украіны, Расіі і Беларусі. Упершыню гэтыя спаборніцтвы адбыліся ў Брэсце ў 2011 годзе. Пераможцамі сталі «Брэсцкія зубры».
Цяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда21
Каментары