Мінгарвыканкам дазволіў незалежнаму прафсаюзу работнікаў радыёэлектроннай прамысловасці (РЭП) правесці пікет 7 кастрычніка, у сусветны Дзень барацьбы за годную працу,паведаміў лідар прафсаюза Генадзь Фядыніч.
Паводле яго слоў, арганізатары заяўлялі правядзенне пікета на трох пляцоўках Мінска. «Нам не дазволілі праводзіць мерапрыемсвта каля фантана Кіеўскага сквера і ў парку
Пікет, паводле яго слоў, дазволены з 11 да 14 гадзін. Колькасць удзельнікаў мерапрыемства — да 30 чалавек.
«Паколькі 7 кастрычніка адзначаецца сусветны Дзень барацьбы за годную працу, лозунгі ў нас будуць адпаведныя. Нягледзячы на дэкларуемае павелічэнне зарплаты, яна не паспявае ні за цэнамі ў магазінах, ні за ростам камунальных паслуг. Мы яшчэ рыхтуем аналіз дзеянняў урада і выпрацоўваем да яго адпаведныя патрабаванні, якія будуць вылучаныя на пікеце», — сказаў Фядыніч.
Такая старанная падрыхтоўка, паводле яго слоў, абумоўлена разуменнем сітуацыі ў эканоміцы.«Мы разумеем, што зарплата не павінна ісці ўразрэз з прадукцыйнасцю працы, інакш гэта прыводзіць да інфляцыі. Аднак забяспечыць умовы для росту прадукцыйнасці працы, збыт прадукцыі — гэта клопат кіраўніцтва», — мяркуе Фядыніч.
Паводле яго слоў, аналагічны пікет быў забаронены ў Магілёве.«Нашы актывісты збіраліся правесці яго ў цэнтры горада, насупраць будынка гарадской адміністрацыі. Прычына забароны — выбранае месца не падыходзіць для публічных акцый», — сказаў Фядыніч.
Пакуль, заначыў Фядыніч, ён не мае інфармацыі пра дазвол або забарону гэткіх жа пікетаў у Гомелі, Віцебску і Брэсце. «Наколькі я ведаю, там нашы актывісты падавалі заяўкі на дазволеныя для пікетаў месцы», — паведаміў прафлідар.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай7
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары