Па справе выбуху каля КДБ у Віцебску пад вартай застаецца адзін чалавек, астатніх адпусцілі

Па справе выбуху каля КДБ у Віцебску затрыманым застаецца адзін чалавек. Астатніх падазраваных следчыя Следчага камітэта адпусцілі. Пра гэта паведамляе агенцтва «Інтэрфакс-Захад».

Выбух у Віцебску быў звяном у дзіўным ланцугу здарэнняў.

5 лістапада на беларуска-польскай мяжы адбыўся выбух. 6 лістапада невядомыя кінулі кактэйль Молатава ў літоўскае пасольства ў цэнтры Мінска. 8 лістапада ў Наваполацку й Віцебску затрымалі двух маладых рабочых, аднаго з іх абвінавацілі ў здрадзе дзяржаве. 9 лістапада было абвешчана пра вызваленне ад пасады кіраўніка КДБ генерала Зайцава. Замянілі яго не на намесніка, а на кіраўніка Рады Бяспекі, а адстаўку звязалі са смерцю падпалкоўніка КДБ Казака — смерцю, якую Камітэт доўгі час адмаўляў, нібы тых мядзведзікаў. А

11 лістапада ў Віцебску каля КДБ адбываецца выбух «самаробнага піратэхнічнага прыстасавання», у выніку якога пашкоджаны два акны. Між тым ад 12 лістапада ў краіне ўступаюць у сілу дапаўненні ў законы аб барацьбе з тэрарызмам і супрацьдзеянні экстрэмізму.

Ну і абстановачка ў нас у стабільнай Беларусі!

Пра віцебскі выбух вядома, што ён быў зусім не моцным, але пацягнуў за сабой шматлікія затрыманні ў горадзе. Мяркуючы па інфармацыі некаторых затрыманых, бралі хлопцаў у чорных куртках з капюшонам.

Многія адразу правялі паралель між гэтым выбухам і тэрактам у Віцебску 2005 года, які, як устанавіў суд, быў справай рук Канавалава і Кавалёва — іх расстралялі. Аднак першая паралель падманная.

Акрамя горада, у якім адбылося здарэнне, больш два выпадкі нічога не лучыць. Выбух 2005 года адбыўся ў людным месцы, а выбуховая прылада была напоўнена паражальнымі элементамі. Гэтым разам здарэнне нагадала хутчэй сімвалічныя падзеі 2010 года ў Бабруйску,

Справу па факце выбуху каля віцебскага КДБ завялі па частцы 3 артыкула 339 Крымінальнага кодэкса (асабліва злоснае хуліганства). Як вынікае з афіцыйнага паведамлення цэнтра інфармацыі і грамадскіх сувязяў (ЦІГС) Камітэта дзяржбяспекі, выбух адбыўся, а 18.48.

Паводле першых ацэнак следства, прылада ўяўляла сабой кардонны або пластмасавы тубус, начынены 50–70 грамамі піратэхнічнай сумесі і памешчаны ў бляшанку ёмістасцю 0,25–0,33 літра, якое было прыведзена ў дзеянне шляхам падпалу.

«У выніку неадкладных следчых дзеянняў і на падставе паказанняў сведак затрыманы тры чалавекі, адзін з якіх, са знешнімі прыкметамі адхіленняў ад нармальных паводзінаў, раней ажыццяўляў тэлефонныя званкі ва УКДБ з некарэктнымі выказваннямі на адрас органаў улады. На месцы здарэння працуе аператыўна-следчая група», — гаварылася ў паведамленні ЦІГС КДБ.

Частка 3 артыкула 339 КК прадугледжвае пакаранне ў выглядзе абмежавання волі на тэрмін ад трох да пяці гадоў або пазбаўленнем волі на тэрмін ад трох да дзесяці гадоў.

Канавалава з Кавалёвым затрымалі амаль праз шэсць гадоў пасля віцебскіх выбухаў. У 2005 жа па «гарачых слядах» затрымалі братоў Мурашкаў. Праз паўгода іх выпусцілі — было занадта відавочна, што арыштавалі не тых. Але браты дагэтуль не выкідаюць ніводнага чэка з магазінаў — каб было алібі на ўсялякі выпадак. Так запалохалі хлопцаў.

Чарада малазначных, але гучных здарэнняў апошняга тыдня, на першы погляд, выглядае нібы чыясьці спроба накаліць абстаноўку ў грамадстве.

• 0
• 0
• 0
• 0
• 0
• 0
• 0
• 0