Беларускі спартсмен Вячаслаў Харанека ўстанавіў новы сусветны рэкорд у падыманні цяжараў
Другі адкрыты Кубак часопіса «АграБаза» па гіравым спорце прайшоў 6 чэрвеня ў Мінску на выставе «Белагра‑2007» у межах «Беларускага аграпрамысловага тыдня». Свой чарговы сусветны рэкорд падчас спаборніцтваў устанавіў вядомы беларускі спартсмен, рэкардсмен Кнігі рэкордаў Гінеса, уладальнік вялікай колькасці сусветных і нацыянальных рэкордаў па падыманні цяжараў, майстар спорту міжнароднага класа Вячаслаў Харанека.
Седзячы на шпагаце, В.Харанека за пяць хвілін падняў над галавой 24‑кілаграмовую гіру 80 разоў. Гэта 124‑ты рэкорд асілка ў падняцці цяжараў.
Як паведаміў В.Харанека ў інтэрв’ю БелаПАН, тым самым сёння ён пабіў свой уласны ранейшы вынік — 77 разоў за пяць хвілін, які быў устаноўлены ў 2006 годзе ў Літве.
Цаперашні рэкорд зафіксавала судзейская брыгада на чале з прадстаўніком федэрацыі па рэгістрацыі нетрадыцыйных рэкордаў Міжнароднай федэрацыі гіравога спорту. Паводле слоў В.Харанекі, гэтае дасягненне таксама ўвойдзе ў Кнігу рэкордаў краін СНД і Балтыі.
Характэрна, што чарговы рэкорд Вячаслаў Харанека ўстанавіў у свой дзень нараджэння — 6 чэрвеня яму споўнілася 46 гадоў.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары