Biełaruski spartsmien Viačasłaŭ Charanieka ŭstanaviŭ novy suśvietny rekord u padymańni ciažaraŭ
Druhi adkryty Kubak časopisa «AhraBaza» pa hiravym sporcie prajšoŭ 6 červienia ŭ Minsku na vystavie «Biełahra‑2007» u miežach «Biełaruskaha ahrapramysłovaha tydnia». Svoj čarhovy suśvietny rekord padčas spabornictvaŭ ustanaviŭ viadomy biełaruski spartsmien, rekardsmien Knihi rekordaŭ Hiniesa, uładalnik vialikaj kolkaści suśvietnych i nacyjanalnych rekordaŭ pa padymańni ciažaraŭ, majstar sportu mižnarodnaha kłasa Viačasłaŭ Charanieka.
Siedziačy na špahacie, V.Charanieka za piać chvilin padniaŭ nad hałavoj 24‑kiłahramovuju hiru 80 razoŭ. Heta 124‑ty rekord asiłka ŭ padniaćci ciažaraŭ.
Jak paviedamiŭ V.Charanieka ŭ intervju BiełaPAN, tym samym siońnia jon pabiŭ svoj ułasny raniejšy vynik — 77 razoŭ za piać chvilin, jaki byŭ ustanoŭleny ŭ 2006 hodzie ŭ Litvie.
Capierašni rekord zafiksavała sudziejskaja bryhada na čale z pradstaŭnikom fiederacyi pa rehistracyi nietradycyjnych rekordaŭ Mižnarodnaj fiederacyi hiravoha sportu. Pavodle słoŭ V.Charanieki, hetaje dasiahnieńnie taksama ŭvojdzie ŭ Knihu rekordaŭ krain SND i Bałtyi.
Charakterna, što čarhovy rekord Viačasłaŭ Charanieka ŭstanaviŭ u svoj dzień naradžeńnia — 6 červienia jamu spoŭniłasia 46 hadoŭ.
Načalnik milicyi Brahina stralaŭ u svaju žonku. Jana cudam vyžyła9
Kamientary