Афіша

Ася Клячына, Рубінчык і Альмадовар

«Гісторыя Асі Клячынай» Канчалоўскага, «Кіно пра кіно» Рубінчыка і «Паразмаўляй зь ёй» Альмадовара

Гісторыя Асі Клячынай, якая любіла, ды не выйшла замуж

Кіно пра кіно

Паразмаўляй зь ёй

НТВ-Беларусь, 16.35

Гісторыя Асі Клячынай, якая любіла, ды не выйшла замуж (История Аси Клячиной, которая любила, да не вышла замуж)

Расея, 1967, чорна-белы, 99 хв.

Рэжысэр: Андрэй Канчалоўскі

Ролі выконваюць: Ія Савіна, Аляксандар Сурын, Любоў Сакалова, Генадзь Ягорычаў, Іван Пятроў, Барыс Парфёнаў, Коля Пагодзін

Жанр: Мэлядрама

Адзнака: 7,5 (з 10)

У вёсцы Бязводнае жыве кухарка Ася Клячына. Яна носіць пад сэрцам дзіцёнка ад калгаснага шафёра Сьцяпана, якога й кахае. А саму яе кахае гарадзкі хлопец…

У зьнявечаным і забароненым савецкай цэнзурай фільме толькі тры прафэсійныя акторы – Ія Савіна, Аляксандар Сурын і Любоў Сакалова. Астатнія – жыхары Бязводнага, якія граюць самі сябе… і сваіх герояў у стужцы.

Мастацкая карціна здымалася, як дакумэнт: сапраўдны збор ураджаю, сапраўдныя радыёнавіны пра землятрус у Ташкенце. Чорна-белыя колеры – і тры камэры, якія схоплівалі падзею цалкам. Маналёгі й споведзь пасьля ГУЛАГу.

А сама гераіня “дакумэнтальнага экспэрымэнту” Канчалоўскага ня з гэтага часу. Яна трапіла ў кіно з клясычнай рускай літаратуры.

Адзін з найлепшых фільмаў Канчалоўскага.

БТ, 19.10

Кіно пра кіно (Кино про кино)

Расея, 2002, каляровы, 86 хв.

Рэжысэр: Валер Рубінчык

Ролі выконваюць: Валер Нікалаеў, Тацяна Лаўрова, Станіслаў Любшын, Яўген Сьцяблоў, Фёдар Бандарчук, Вольга Сутулава, Марыанна Рубінчык, Уладзімер Носік

Жанр: Трагікамэдыя

Малады рэжысэр, які здымае баявік “Трымай удар” са стралянінай і пагонямі – марыць пра аўтарскае кіно і трызьніць кінаклясыкай. Мары толькі ўскладняюць ягоную вытворчую задачу. А тут яшчэ ўлазіць прадусар, які сам ня ведае, чаго яму трэба…

Аўтар “Вянка санэтаў” і “Дзікага паляваньня” Валер Рубінчык напрыканцы 80-ых эміграваў у Расею, дзе цяпер выкладае й здымае кіно. Захапленьне Фэліні, кіно пра кіно, сум і сьмех…

СТВ, 22.20

Паразмаўляй зь ёй (Hable con ella)

Гішпанія, 2002, каляровы, 112 хв.

Рэжысэр: Пэдра Альмадовар

Ролі выконваюць: Хаўер Камара, Дарыё Грандынэці, Леанор Ўотлінг, Разарыа Флорэс, Марыола Фуэнтэс, Джэральдзін Чаплін, Піна Баўш

Жанр: Драма

Прызы: “Оскар” за найлепшы сцэнар і яшчэ 31 узнагарода й 25 намінацый

У пошуках гераіні для свайго рэпартажу журналіст Марка знаёміцца з жанчынаю-тарэра Лідзіяй. Знаёмства перарастае ў жарсьць, але ўдар быка на карыдзе зрыньвае Лідзію ў кому. У шпіталі Марка знаёміцца з санітарам Бэніньё, які доўгі час дапамагае непрытомнай Алісіі. “Паразмаўляй зь ёй” – раіць Бэніньё Марку, які згубіў усялякую надзею. Словы любові здольныя зрабіць цуд…

Корсткая драма Пэдра Альмадовара. Танец карыды рыфмуецца з танцам балетным – на адну з роляў запрошаная вядомая харэограф Піна Баўш.

Усе фільмы

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Каспяровіч памёр тры дні таму, але цела знайшлі толькі цяпер

Каспяровіч памёр тры дні таму, але цела знайшлі толькі цяпер

Усе навіны →
Усе навіны

Лукашэнка: Я прачытаў тое, што пісалі ў тыктоках, «тыктокаліся» нашы выкладчыкі12

Час праезду беларуска-літоўскай мяжы аўтобусамі павялічыўся да 10-12 гадзін5

Лукашэнка: Беларусь заўсёды была, ёсць і будзе разам з Расіяй61

Вось колькі каштуе Ізраілю вайна з Іранам. Самае дарагое — абарона свайго неба2

У калоніі №15 Магілёва знялі з пасады адыёзнага начальніка, які здзекаваўся з палітвязняў3

За адсутнасць бульбы прапануюць штрафаваць да 8 400 рублёў3

Расія перадала Украіне целы не толькі ўкраінскіх, але і расійскіх салдат3

У Расіі заснавальніцу руху «Армія прыгажунь» прысудзілі да 22 гадоў пазбаўлення волі

Прапагандыст Мукавозчык апісаў, як праходзіць пасяджэнне камісіі па вяртанні. Калі ў вас былі ілюзіі, то пакіньце іх27

больш чытаных навін
больш лайканых навін

Каспяровіч памёр тры дні таму, але цела знайшлі толькі цяпер

Каспяровіч памёр тры дні таму, але цела знайшлі толькі цяпер

Галоўнае
Усе навіны →

Заўвага:

 

 

 

 

Закрыць Паведаміць