Супрацоўнікі КДБ шукаюць каардынатара пінскай арганізацыі руху «За свабоду» Зьмітра Бадзевіча. А яшчэ аднаго актывіста руху па Піншчыне Зьмітра Кіселя абвінавачваюць у правядзеньні несанкцыянавага мітынгу і пагражаюць непрыняцьцем у ВНУ.
Супрацоўнікі КДБ шукаюць каардынатара пінскай арганізацыі руху «За свабоду» Змітра Бадзевіча. А яшчэ аднаго актывіста руху па Піншчыне Змітра Кіселя абвінавачваюць у правядзенні несанкцыянавага мітынга і пагражаюць непрыняццем у ВНУ.
Падчас канцэрта, прысвечанага Дню моладзі, у Пінску, Зміцер Бадзевіч і Зміцер Кісель разам са сваімі паплечнікамі раздавалі значкі і стужкі руху «За свабоду» і віншавалі моладзь са святам. Праз некалькі хвілін да іх падыйшлі супрацоўнікі ідэалагічнага аддзелу гарвыканкаму і загадалі спыніць дзеянні, паведаміў сайт Аляксандра Мілінкевіча.
‑ На наступны дзень зранку ў гарвыканкам выклікалі дырэктара школы, у якой я навучаюся, — кажа Зміцер Кісель. — Яму паведамілі, што ў часе правядзення канцэрта я і мае паплечнікі вялі прапаганду супраць улады і вярбоўку прыхільнікаў у шэрагі апазіцыі, а таксама спрабавалі правесці несанкцыянаваны мітынг.
Змітра Бадзевіча супрацоўнікі КДБ ужо шукаюць трэці дзень. Па словах актывіста, яму тэлефануюць адтуль і просяць прыйсці паразмаўляць, не кажучы пры гэтым пра што: «Нават SMS на тэлефон з такімі просьбамі дасылаюць».
Каментары