На вэйпы і электронныя цыгарэты ўвядуць акцызы — яны заўважна падаражэюць

Якія цыгарэты могуць больш за ўсё падаражэць

Чыноўнікі хочуць падняць асобныя стаўкі падаткаў апераджальнымі тэмпамі. Так, акцызы на цыгарэты хочуць павысіць у сярэднім на 15%. Для параўнання: зямельны падатак плануюць праіндэксаваць на 7,2% — прагнозны паказчык па інфляцыі на 2022 год. Размова пра сярэднегадавы паказчык па росце цэн. Што тычыцца гадавой інфляцыі — снежань да снежня, — то яна, па планах уладаў, павінны быць «каля 6%».

Падняць стаўкі акцызаў на 15% хочуць на цыгарэты ўсіх цэнавых груп. Пры гэтым цыгарэты з фільтрам хочуць разбіць на дзве групы па стаўках акцыз замест цяперашніх трох. Для гэтай аб'яднанай групы ўвядуць стаўку акцызаў 86,36 рубля за 1000 штук цыгарэт. Для параўнання: цяпер для другой групы цанавой групы акцыз складае 72,19 рубля, а для трэцяй — 82,77 рубля.

Гэта значыць, што больш за ўсё павінны падаражэць цыгарэты сярэдняй цанавой катэгорыі з-за аб'яднання яе з трэцяй групай.

«Прапанаванае павелічэнне ставак акцызаў на цыгарэты неабходнае ў мэтах паэтапнага збліжэння з параметрамі іх гарманізацыі, прадугледжанымі ў Пагадненні аб прынцыпах вядзення падатковай палітыкі ў галіне акцызаў на тытунёвую прадукцыю дзяржаў-членаў Еўразійскага эканамічнага саюза», — гаворыцца ў тлумачэнні да праекта прагнозу сацыяльна-эканамічнага развіцця Беларусі на 2022 год.

Чыноўнікі разлічваюць, што павышэнне акцызаў «наблізіць Беларусь да працэсу гарманізацыі ставак акцызаў у рамках ЕАЭС».

Вадкасць для электронных цыгарэт таксама павінна падаражэць

Праектам правак у Падатковы кодэкс таксама прапануецца ўключыць у спіс падакцызных тавараў вадкасці для электронных сістэм курэння і нетабачную прадукцыю з утрыманнем нікаціну. Гаворка ў тым ліку пра электронныя цыгарэты, парагенератары, вэйпы, а таксама паўчы (нетабачныя вырабы з утрыманнем нікаціну). Цяпер гэта безакцызныя тавары.

Чыноўнікі ўдакладняюць, што электронныя цыгарэты набіраюць папулярнасць у беларусаў, а таксама згадваюць у абгрунтаванні, чаму трэба ўвесці акцызы, што «Брытыш-Амерыкан Табака Трэйдынг Компані» запусціла паўчы VELO.

Улады хочуць на вадкасці для электронных сістэм курэння ўвесці стаўку акцызаў у 0,15 рубля за 1 мл, а на нетабачную прадукцыю з утрыманнем нікаціну — 77,14 рубля за 1 кілаграм.

Як зменяць акцызы на алкаголь

Плануюць таксама павелічэнне ставак акцызаў на піва, піўны кактэйль — з 37 да 38 капеек за літр гатовай прадукцыі. «Прымяненне паніжанага параметра індэксацыі ставак накіравана на падтрыманне эфектыўнай работы прадпрыемстваў-вытворцаў гэтай прадукцыі, — удакладняюць чыноўнікі. — Індэксацыя ставак акцызаў на піва і піўны кактэйль у 2021 годзе не праводзілася».

Пры гэтым у цэлым на алкаголь хочуць праіндэксаваць стаўкі акцызаў у межах прагназаванага параметра інфляцыі — на 7,2%.

• 0
• 0
• 0
• 0
• 0
• 0
• 0
• 0