Міжнародныя плацежныя сістэмы Visa і Mastercard абвясцілі аб прыпыненні сваёй дзейнасці ў Расіі.
Карты Visa і Mastercard, выпушчаныя ў Расіі, не будуць працаваць за мяжой, а карты, выпушчаныя замежнымі фінансавымі ўстановамі, не будуць працаваць у Расіі.
«Мы вымушаныя пайсці на гэты крок з-за расейскага ўварвання ва Украіну і непрымальных падзей, сведкамі якіх мы сталі, ‒гаворыцца ў заяве Visa. ‒ Гэтая вайна і пастаянная пагроза міру і стабільнасці патрабуе, каб мы рэагавалі ў адпаведнасці з нашымі каштоўнасцямі».
«Робячы гэты крок, мы далучаемся да многіх іншых у надзеі на больш пазітыўную, прадуктыўную і мірную будучыню для ўсіх нас», — адзначылі ў Mastercard.
Першым на рашэнне Visa і Mastercard адрэагаваў расійскі Ашчадбанк. Ён паведаміў, што абмежаванні не паўплываюць на працу карт Ашчадбанка ў краіне.
Усе карты кліентаў «Сбера» будуць працаваць, па іх можна будзе здзяйсняць аперацыі на тэрыторыі Расіі ‒ здымаць наяўныя, рабіць пераводы па нумары карты, расплачвацца як у афлайн-крамах, так і ў расійскіх інтэрнэт-крамах», ‒ паведаміў банк.
ЦБ Расіі заявіў, што карты Visa і Mastercard расейскіх банкаў працягнуць працаваць у іх краіне.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць4
Каментары