Z usioj krainy

Alkahalizm maładzieje

U Voršy na 10 hadoŭ pazbaŭleńnia voli asudžany 15-hadovy chłopiec. Vaśmiklaśnika pryznali vinavatym va ŭčynieńni zabojstva z asablivaj žorstkaściu. Achviaraj pjanaha padletka staŭ invalid z amputavanaj nahoj. Asudžany nanios jamu niekalki dziasiatkaŭ udaraŭ kułakami dy 40 nažavych ranieńniaŭ. Padstavaj dla ahresii była svarka z-za hrošaj.

Pjanstva z kožnym hodam maładzieje. Bolšaść padletkaŭ, jakija pryachvocilisia da alkaholu, z asacyjalnych siemjaŭ. I nijakaja vychavaln praca, nijakaja škoła, ni supołka BRSM nie dapamahaje. Tak, sioleta ŭ Aršanskim psychaneŭralahičnym dyspansery nahladajecca bolš za 140 padletkaŭ. I heta tyja, chto nieadnarazova spažyvaŭ śpirtnoje. Adnamu navat pastavili dyjahnaz — alkahalizm. U horadzie na ŭliku 32 taksykamany. Treba zaŭvažyć, što nazvanyja ličby — aficyjnaja statystyka. Pavodle słovaŭ medykaŭ, kab ujavić sapraŭdnuju karcinu, treba ich pamnožyć sama mieniej u 10 razoŭ.

Jaŭhien Žarnasiek, Vorša

∎

Miensk — Połacku

21 kastryčnika ŭ Mastackaj halerei adkryłasia supolnaja vystava dvuch vykładčykaŭ mienskaj Akademii mastactvaŭ — Uładzimiera Toŭścika (žyvapis) i Ŭładzimiera Słabodčykava (skulptura). Aŭtaraŭ pradstaviŭ pałačanam staršynia Sajuzu mastakoŭ Uładzimier Basałyha. Miarkujecca, što ŭ nastupnym hodzie adna sa skulptur Słabodčykava zojmie miesca la ekalahičnaha muzeju.

Prahramny dakument dla budučaha ŭradu

23 kastryčnika ŭ Navapołacku prajšła prezentacyja knihi «Biełaruś: scenary reformaŭ». Čalcy dempartyj i hramadzkich arhanizacyj sustrelisia z aŭtarami knihi — historykam Iharam Lalkovym i ekanamistami Michasiom Zaleskim i Źmitrom Babickim. Hości nazvali knihu «prahramnym dakumentam» dla budučych demakratyčnych uradaŭ. Na sustrečy prahučała šmat pytańniaŭ da haściej, bolšaść ź ich tyčyłasia aktualnych palityčnych padziej. Adkazy hučali niestandartnyja, ale pieravažna aptymistyčnyja.

Vasil Krokva, Połacak

∎

Prezentacyja Milinkieviča ŭ Hłybokim

U horadzie prajšło znajomstva mieścičaŭ z adzinym kandydatam ad demakratyčnych sił. 23 kastryčnika na niadzielnym rynku było razdadziena kala sotni balonikaŭ z nadpisam «Za Milinkieviča!», «Za Biełaruś!». Navat utvaryłasia čarha atrymać nacyjanalny suvenir.

«Barmica», Hłybokaje

∎

U pamiać Chodźki

U Vialejcy prajšła krajaznaŭčaja kanferencyja, pryśviečanaja 210-hodździu z dnia naradžeńnia piśmieńnika Ihnata Chodźki. U zali pasiadžeńniaŭ rajvykankamu adbylisia «Chodźkaŭskija čytańni», na domie №1 pa vulicy Mołakava była adkryta memaryjalnaja doška, a kavałku hetaj vulicy nadali imia piśmieńnika. Pry kancy kanferencyi ŭdzielniki naviedali mahiłu Ihnata Chodźki ŭ v.Vojstam na Smurhonščynie. Tamsama adsłužyli mšu ŭ honar piśmieńnika.

Siarhiej Makarevič, Vialejka

∎

• 0
• 0
• 0
• 0
• 0
• 0
• 0
• 0