Sioleta ŭ Miensku budzie pabudavana 840 tys. kvadratnych metraŭ žylla. Na deklaravanyja Mienharvykankamam čatyry hady tamu miljon kvadratnych metraŭ u hod vyjści nie ŭdajecca.
Tym časam kolkaść achvotnikaŭ tolki ŭzrastaje: za hety hod u Miensku źniata z čarhi pad 10 tysiačaŭ tych, chto choča palepšyć žyllovyja umovy, a stała ŭ čarhu 17 tysiačaŭ. U stalicu ŭjechała 15 tysiačaŭ čałaviek, i kožny ź ich maje prava pastanoŭki na ŭlik. Značyć, popyt pa-raniejšamu budzie pieravyšać prapanovu, a ceny buduć raści. Staršynia savietu RHA «Biełaruskaja asacyjacyja nieruchomaści» Mikoła Prastałupaŭ prahnazuje «paŭzučy» rost na 1—2% u miesiac. Da kanca 2006 h. kvadratny metar u siarednim budzie kaštavać $1 200. Hrošy na hetym rynku kruciacca vieličeznyja. Kali 1 m2 u Miensku na hetym tydni kaštuje $1 040, to, pamnožyŭšy na 840 tysiač, atrymajem 873 młrd 600 młn dalaraŭ u 2005 h.
Kamientary