Mašyny na biełaruskich numarach pavinny buduć prachodzić u Polščy techahlad
U Polščy płanujuć abaviazać usie transpartnyja srodki, jakija doŭhi čas jeździać pa polskich darohach, prachodzić techničny ahlad u Polščy. Heta praviła zakranie i aŭtamabili na biełaruskich i ŭkrainskich numarach. Prajekt adpaviednaha zakona ŭžo znachodzicca na ŭzhadnieńni, piša vydańnie Wprost.
Ciapier mnohija aŭtamabili na zamiežnych numarach nie padpadajuć pad abaviazkovuju sistemu techahladu. Choć darožnaja palicyja moža kanfiskavać mašyny, jakija nie adpaviadajuć techničnym patrabavańniam, na praktycy heta adbyvajecca redka, naprykład, paśla DTZ.
Z pačatku vajny va Ukrainie ŭ Polšču ŭjechała bolš za 140 tysiač aŭtamabilaŭ. Niekatoryja ź ich viarnulisia nazad ci pajechali na Zachad, ale pa polskich darohach pa-raniejšamu ruchajucca dziasiatki tysiač zamiežnych mašyn, jakija nie ŭklučanyja ŭ polskuju sistemu techahladaŭ.
Kamientary