Bajsoł: Srodki z ekstrannaha zboru buduć vypłačanyja palitviaźniam całkam
«Bajsoł» dniami paviedamiŭ, što na vypłaty nakiruje 50 tysiač jeŭra z sabranych 111 tysiač, a astatnija zareziervuje pad nastupnuju hrupu vyzvalenych. Ale paśla krytyki źmianiŭ rašeńnie.
Fond «Bajsoł» paviedamiŭ pra źmieny ŭ padychodzie da vypłat z ekstrannaha zboru.
«My ŭličyli zaŭvahi i krytyku, jašče raz praanalizavali papiaredniaje rašeńnie «Bajsoł». Pieršapačatkova my płanavali vypłacić vyzvalenym 11 vieraśnia ahulnuju sumu, ustanoŭlenuju ŭ zbory, — 50 tys. jeŭra. Astatnija srodki — 60 tys. jeŭra — mierkavałasia zareziervavać dla nastupnych hrup vyzvalenych.
Na žal, u tekście zboru hetyja płany nie byli prama prapisanyja. My pryznajom hetuju pamyłku i razumiejem, što mnohija danacili ŭžo paśla dasiahnieńnia mety ŭ 50 tys. jeŭra, kab dapamoha dla vyzvalenych była bolšaj», — zaznačaje fond.
«Bajsoł» paviedamlaje, što hatovy pačać vypłaty ŭ najbližejšy čas bieź lišnich pracedur i farmalnaściaŭ. Usia suma budzie padzielena na 52 čałavieki i vypłačanaja vyzvalenym palitviaźniam.
Nahadajem, što ekstranny zbor byŭ abvieščany 11 vieraśnia praź niekalki hadzin paśla infarmacyi pra vyzvaleńnie 52 palitviaźniaŭ.
Pieršapačatkova płanavałasia sabrać 50 tysiač jeŭra, u raźliku 1000 jeŭra na čałavieka, ale nieabchodnaja suma była sabranaja za try hadziny. Za dvoje sutak było sabrana 100 tysiač jeŭra, zatym zbor daros da 111 tysiač 365 jeŭra.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary