Siudy treba jechać, kab prosta špacyravać pa pryhožych vułačkach i hrecca kavaj kaviarniach.
Lvoŭ – heta staradaŭnija vulicy, chramy, smačnaja ježa, kava i piva. Siudy treba jechać, kab prosta špacyravać pa pryhožych vułačkach i hrecca kavaj abo miedavuchaj u šmatlikich kaviarniach. Dyk čamu b i nie sustreć tut Novy hod? Budzie jak minimum pryhoža.
Nazvy vulic u hajdzie my pišam pa-ŭkrainsku. Košty ŭkazanyja ŭ jeŭra abo hryŭniach (na hety momant € 1 = 10,5 hrn.)
Transpart
Dabracca da Lvova praściej za ŭsio ciahnikom. Płackartny kvitok ad Mienska budzie kaštavać € 25, kupe — € 40. Ciahnik Miensk–Lvoŭ–Čarnaŭcy vychodzić ź biełaruskaj stalicy a 17:38 i prychodzić u Lvoŭ ažno a 5:53. Kali jechać na tačcy, adlehłaść 650 km ź miažoj budziecie pieraadolvać 9–10 hadzin.
Taksi ad vakzała da centra Lvova budzie kaštavać 25–30 hrn. (zrazumieła, pryvakzalnyja bambiły mohuć nazyvać zusim inšyja ličby). Ale možna dajechać i tramvajem.
Tram № 1 chodzić ad Pryvakzalnaj płoščy da centra. Cikava, što kali jon jedzie nazad, to numar maršruta źmianiajecca na 9. Nie zabłytajciesia! Kvitočak treba nabyvać u kiroŭcy (1,5 hrn.) — u Lvovie šmat kantraloraŭ.
Darečy, kali vam treba nabyć čyhunačnyja kvitki, nie abaviazkova piercisia na vakzał. Jość kasy na vuł. Hnatiuka, 20.
Kali vam treba trapić u naviutki lvoŭski aeraport — znoŭ ža lepš vyklikajcie takson. Ad Kafiedralnaj płoščy daroha budzie kaštavać 40–50 hrn.
Taksi lepš vyklikać pa telefonie. (Padklučycca da miascovaj mabilnaj suviazi možna amal na kožnym kroku. Pašpart nie spatrebicca). Ale možna i tralejbusam № 9 ad univiersiteta im. Ivana Franka.
Darečy, Lvoŭ z adkryćciom novaha aeraporta pacichu robicca novaj aktyŭnaj kropkaj na mapie avijapieralotaŭ. Naprykład, u śniežni kvitok na samalot Lvoŭ–Stambuł ad tureckaj kampanii Pegasus kaštavaŭ € 100 u dva baki.
Praciah temy — hateli, kaviarni i restarany, šopinh i šmat inšaha — čytajcie tut.
Kamientary