U Sieńnienskim rajonie asudžanyja troje chłopcaŭ za žorstkaje zabojstva z chulihanskich mierkavańniaŭ,paviedamiŭ namieśnik načalnika adździeła pa nahladzie za zakonnaściu sudovych pastanoŭ pa kryminalnych spravach prakuratury Viciebskaj vobłaści Siarhiej Sielichanaŭ.
Trahičnyja padziei adbylisia ŭ lipieni 2011 hoda ŭ vioscy Alochnava.Pjanaja kampanija z troch čałaviek, viartajučysia viečaram z haściej, sustreła znajomaha mužčynu. U chodzie «ŭźnikłaha biez asablivaj pryčyny pačućcia rezkaj niepryjaznaści» jany na praciahu dźviuch hadzin bili viaskoŭca, imknučysia pryčynić jamu maksimalna mocny bol.
Jon pasprabavaŭ vyrvacca i ŭciačy, ale kala raki Abalanka jaho dahnali i ŭtapili.
«Na sudzie zabojcy apraŭdvalisia tym, što nie chacieli zabivać.
Adnak na ciele achviary ekśpierty naličyli kala 50 udaraŭ, naniesienych pieravažna ŭ hałavu i tułava.Charaktar paškodžańniaŭ śviedčyŭ pra toje, što mužčyna moh pamierci ad traŭmatyčnaha šoku, kali b nie pamior ad ŭtapleńnia.
Heta było žorstkaje biessensoŭnaje zabojstva «, — padkreśliŭ Siarhiej Sielichanaŭ.
U suviazi sa składanaściu kryminalnaja sprava razhladałasia bolš za hod. Za naŭmysnaje zabojstva, učynienaje z asablivaj žorstkaściu z chulihanskich mierkavańniaŭ hrupaj asob, Viciebskim abłasnym sudom dvoje zabojcaŭ 1987 i 1991 hoda naradžeńnia asudžanyja adpaviedna na 17 hadoŭ 3 miesiacy i 15,5 hadoŭ pazbaŭleńnia voli. Sud inkryminavaŭ im taksama ŭklučeńnie ŭ złačynnuju dziejnaść niepaŭnaletniaha 1996 hoda naradžeńnia.
Pakarańniem apošniamu stała pazbaŭleńnie voli na 8 hadoŭ. Prysud ustupiŭ u zakonnuju siłu.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary