Kiraŭnik prafsajuzaŭ Rasii pahražaje Łukašenku sankcyjami za dekret №9
«Umovy dekreta nahadvajuć dziejańni ŭładaŭ Mjanmy, što pryviali da sankcyjaŭ».
Prafsajuzy śvietu praciahvajuć kampaniju salidarnaści ź biełarusami. Da jaje dałučyŭsia Michaił Šmakaŭ, staršynia Fiederacyi niezaležnych prafsajuzaŭ Rasii, jaki ciapier źjaŭlajecca prezidentam Usiejeŭrapiejskaj rehijanalnaj rady Mižnarodnaj kanfiederacyi prafsajuzaŭ.
«Sutnaść dekreta zaklučajecca ŭ tym, što ludziej prymušajuć pracavać šlacham hvałtu i pałačnaj dyscypliny. Čałaviectva daŭno minuła stadyju rabaŭłaśnictva i pryhonu. Historyja pakazała, što takaja praca zusim nieefietyŭnaja, — piša Šmakaŭ u svaim liście Alaksandru Łukašenku. — Vymušany sa škadavańniem adznačyć, što ŭmovy dekreta šmat u čym nahadvajuć dziejańni ŭładaŭ Mjanmy, jakija padpali pad rezkuju krytyku Mižnarodnaj arhanizacyi pracy i ŭsioj suśvietnaj supolnaści, što pryviało da ŭviadzieńnia sankcyj, što spryčynyli ekanamičny spad i mižnarodnuju izalacyju krainy».
Ad imia 89 prafcentraŭ z 55 krain Jeŭropy i Jeŭrazii Šmakaŭ zaklikaŭ ułady Biełarusi admianić Dekret№ 9, zhodna ź jakim kiraŭnictvu pradpryjemstvaŭ dajecca prava zabaranić rabotnikam zvalniacca na toj padstavie, što «pradpryjemstvy madernizujucca».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary