Jak skazaŭ śpiecyjalist pa pryrodaachoŭnych pytańniach hramadskaj arhanizacyi «Achova ptušak Baćkaŭščyny» (APB) Siamion Levy, udod — siaredniaha pamieru ptuška z doŭhaj vuzkaj dziubaj,Akramia jarkaha niezvyčajnaha apiareńnia, ptuška adroźnivajecca krykami, jakija nahadvajuć słova «ŭdod», što lohka raspaznać. U Biełarusi hety vid ličycca zvyčajnym, jon bolš raspaŭsiudžany ŭ paŭdniovych rehijonach.čorna-aranžavym apiareńniem i čubkom, jaki moža raskryvacca ŭ vyhladzie viejera.
Jak adznačyŭ Levy, ptuškaj 2013 hoda ŭdod vybrany dziakujučy svajoj źniešniaj pryvabnaści i paznavalnaści, a taksama ŭ suviazi z šeraham prablem, jakija nieabchodna vyrašyć.U pryvatnaści, dahetul nie vyśvietleny dakładny areał raspaŭsiudžvańnia ŭdoda i kolkaść hetaha vidu ŭ Biełarusi. Akramia taho, udod, jak i inšyja ptuški, jakija sielacca ŭ dupłach, časta sutykajecca z deficytam miescaŭ dla hniezdavańnia. Dupły, jak praviła, utvarajucca ŭ starych ci suchich drevach, jakija ŭ Biełarusi vysiakajucca. U vyniku ŭdod, sprabujučy prystasavacca, sielicca ŭ čałaviečych pabudovach, što taksama nie zaŭsiody biaśpiečna.
Pavodle słoŭ śpiecyjalista, u suviazi ź isnujučymi prablemami ŭ 2013 hodzie APB płanuje pravieści bijatechničnyja mierapryjemstvy pa vyrabie i raźviešvańni štučnych hniazdoŭjaŭ dla ŭdoda. Płanujecca taksama pravieści ŭlik hetaha vidu ŭ rehijonach Biełarusi. Narešcie, buduć pravodzicca tradycyjnyja akcyi — konkursy malunkaŭ i kazak dla dziaciej.
Kamientary