U Mahilovie apraŭdany abvinavačany ŭ pastaŭcy bujnoj partyi hierainu
Jaho vinavacili ŭ tym, što pa telefonie kiravaŭ pieravozkaj partyi, jakoj by chapiła na dva miljony doz. Ale 11 hadoŭ dali tolki kurjeru.
Heta historyja stała viadoma ŭ vieraśni 2010 hoda. Pad Dubroŭnam, na punkcie spahnańnia mytnych pošlin «Redźki» spynili i pravieryli «Opiel Astru».Mašyna jechała z Rasii. Kiroŭcu «raspracoŭvali» paŭhoda.
U bakavych panelach zadniaha pasažyrskaha siadzieńnia znajšli…blizu 200 cybulin.Akazałasia, što heta ― zamaskiravany hierain: parašok zapajali ŭ polietylenavyja šaryki i ablapili cybulevym šałupińniem, była navat karniavaja sistema.
Pieravoziłasia rekordnaja dla Biełarusi partyja ― kala 28 kiłahram najčyściejšaha hierainu.
Kryminalnuju spravu raspačali pa artykule «Niezakonny abarot narkatyčnych srodkaŭ u bujnych pamierach u składzie arhanizavanaj hrupy».
Raźbiralisia z akaličnaściami kryminalnaj spravy blizu dvuch hadoŭ. Abvinavačvańnie vysunuli dvum hramadzianam Biełarusi. Zrazumieła, što kurjeru H., jaki pieravoziŭ hierain u «Opieli», było nie adkrucicca.
Ale asablivaja ŭvaha była na inšym fihurancie ― Ju. Jon, pa viersii śledstva, kiravaŭ pierapraŭkaj narkotykaŭ pa telefonie.Što praŭda, z metaj kanśpiracyi, cybuliny z hierainam nazyvali słovami «reč», «tavar» i hetak dalej. Na dumku śledčych orhanaŭ, jany ŭvachodzili ŭ transnacyjanalnuju hrupoŭku, jakaja zajmajecca dastaŭkaj hierainu ź Siaredniaj Azii ŭ Jeŭropu. Niekatoryja inšyja ŭdzielniki hetaj hrupoŭki ciapier čakajuć sudoŭ u Rasii.
Zatrymańnie narkabarona ŭ Biełarusi mahło zrabić realny ŭdar pa inšych bujnych narkahandlarach.Ale i ź imi nie tak prosta razabracca: u narkazvarocie kruciacca dziasiatki miljonaŭ dołaraŭ, mahčyma, jość suviazi i
Vierdykt pa hučnaj spravie byŭ vyniesieny sudom Kastryčnickaha rajona Mahilova pierad Novym hodam.
«H. asudžany pa artykule 328 častka 3. Pakarańnie ― 11 hadoŭ pazbaŭleńnia voli ŭ papraŭčaj kałonii ŭzmocnienaha režymu. Ju. pryznany nievinavatym za niedakazanaściu jaho udziełu ŭ ździajśnieńni złačynstvaŭ, ― paviedamlaje sudździa Raman Kaściuk.― Pakul bolš padrabiazna ja vam ničoha nie mahu skazać. Prysud abskardžany abvinavačanym H. i apratestavany prakuraturaj
«Vyniesieny kasacyjny pratest na prysud. Jon budzie razhladacca ŭ abłasnym sudzie», ― kaža načalnik adździeła prakuratury Mahiloŭskaj vobłaści Ludmiła Šurpina.
U čym mienavita prakuratura nie zhodnaja z prysudam?
Ludmiła Šurpina: «Tolki kali sprava budzie razhledžanaja ŭ sudzie, prysud nabudzie zakonnuju moc. Tolki tady možna budzie davać niejkija acenki».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary