Va ŭsich pravasłaŭnych chramach Biełarusi siońnia ŭ honar śviata Chryščeńnia Haspodniaha pravodzicca čyn aśviačeńnia vady. Kab nabrać jaje ŭ roznyja jomistaści, tysiačy viernika stali ŭ čerhi.
Tak, kolkaść achvotnych zajmieć zapavietnyja niekalki litraŭ śviatoj vady ŭ Kafiedralnym Śviata-Duchavym sabory na staličnaj płoščy Svabody była takaja, što chvost vializnaj čarhi siahaje ŭ bok vulicy Niamiha da adnajmiennaj stancyi mietro i dalej - pad most i da novazbudavanaha handlovaha centra. Tym nie mienš, nijakaj niervovaści ŭ ludziej niama: naadvarot, panavaŭ śviatočny nastroj.
Pablizu, na rahu vulicy Niamihi i praśpiekta Pieramožcaŭ znachodzicca i najstarejšaja ŭ Miensku Kaciaryninskaja carkva. Tut taksama siońnia možna nabrać aśviačonaj vady. Čarha pa jaje krychu mienšaja i raściahnułasia tolki da firmovaha centra mabilnaha apieratara life :).
Aśviačeńnie vady pravodzicca siońnia va ŭsich pravasłaŭnych cerkvach i saborach. Usie jany zaznajuć tradycyjny dla takoha śviata napłyŭ viernikaŭ.
Kamientary