Z 1 lutaha ŭvodzicca dyfierencyjavanaja apłata za elektraenierhiju i haz
U Biełarusi z 1 lutaha 2013 h. uvodzicca dyfierencyjavanaja apłata za elektraenierhiju i hazazabieśpiačeńnie. Heta praduhledžana pastanovaj Savieta Ministraŭ №52 ad 23 studzienia 2013 hoda.
Zhodna z pastanovaj, uvodzicca trochstupieńčataja sistema taryfaŭ u zaležnaści ad abjomaŭ spažyvańnia elektraenierhii i hazu.
Tak, dla hramadzian, jakija pražyvajuć u damach, abstalavanych elektryčnymi plitami, pry štomiesiačnym spažyvańni da 250 kVt · hadz elektraenierhii apłata budzie pravodzicca pa taryfach, ustanoŭlenych zakanadaŭstvam.Pry spažyvańni ad 250 da 400 kVt · hadz uklučna - pa ŭstanoŭlenych taryfach z prymianieńniem pavyšalnaha kaeficyjenta 1,3, ale nie vyšej za taryfy, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
Kali spažyvańnie elektraenierhii pieravyšaje 400 kVt · hadz u miesiac, apłata budzie vyličvacca pa taryfach, što zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
Dla tych, čyje damy nie abstalavany elektryčnymi plitami, za niekatorymi vyklučeńniami, praduhledžana anałahičnaja sistema apłaty elektraenierhii.Tak, pry štomiesiačnym spažyvańni da 150 kVt · hadz - pa ŭstanoŭlenych taryfach, ad 150 da 300 kVt · hadz uklučna - pa taryfach z pavyšajučym kaeficyjentam 1,3, zvyš 300 kVt · hadz -- pa taryfach, što zabiaśpiečvajuć poŭnaje pakryćcio vydatkaŭ.
Dla hramadzian, damy jakich nie abstalavanyja elektraplitami i sistemami centralizavanaha haračaha vodazabieśpiačeńnia i zabieśpiačeńnia pryrodnym hazam, pry spažyvańni da 300 kVt · hadz uklučna praduhledžana apłata pa ŭstanoŭlenych taryfach, zvyš 300 kVt · hadz - pa taryfach z pavyšajučym kaeficyjentam 1,3.
U adpaviednaści z dadzienaj pastanovaj, hramadzianie, žyłyja damy (kvatery) jakich asnaščanyja šmattaryfnymi elektronnymi pryborami ŭliku elektryčnaj enierhii i aŭtamatyzavanymi sistemami kantrolu i ŭliku elektraenierhii, buduć brać apłatu zychodziačy z dyfierencyravanych pa časavych pieryjadach taryfaŭ abo adnastavačnamu taryfu z ulikam paradku apłaty, praduhledžanaj u pastanovie.
Płata za pasłuhi elektrazabieśpiačeńnia z hramadzian, jakija pražyvajuć u žyłych damach (kvaterach), nie abstalavanych pryborami indyvidualnaha ŭliku raschodu elektraenierhii, u adpaviednaści z dakumientam, budzie spahaniacca pa ŭstalavanym zakanadaŭstvam taryfie, jaki zabiaśpiečvaje poŭnaje pakryćcio ekanamična abhruntavanych zatrat na ich akazańnie (ŭstupaje ŭ siłu z 1 lipienia 2013 hoda).
Što ž tyčycca apłaty za pasłuhi hazazabieśpiačeńnia,to, zhodna z pastanovaj, z hramadzian, jakija pražyvajuć u žyłych damach (kvaterach), abstalavanych indyvidualnymi hazavymi aciaplalnymi pryborami i pryborami indyvidualnaha ŭliku raschodu hazu, apłata budzie spahaniacca štomiesiac u zaležnaści ad hadavych abjomaŭ jaho spažyvańnia, jakija vyličvajucca narastajučym vynikam štohod z 1 studzienia.
Tak, pry spažyvańni da 3 tys. kub. m praduhledžana apłata pa cenach, ustanoŭlenych zakanadaŭstvam.Pry spažyvańni ad 3 tys. da 5,5 tys. kubamietraŭ uklučna - pa ŭstanoŭlenych cenach z prymianieńniem pavyšalnaha kaeficyjenta 1,3, ale nie bolšaja za canu, jakaja zabiaśpiečvaje poŭnaje pakryćcio ekanamična abhruntavanych zatrat na ich akazańnie.
U vypadku, kali hadavoje spažyvańnie hazu pieravyšaje 5,5 tys. kub. m, hramadzianie pavinny buduć rabić apłatu pa cenach, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary