Alaksandr Łukašenka 4 lutaha pryniaŭ z dakładam kiraŭnika Administracyi prezidenta Andreja Kabiakova i hienieralnaha dyrektara ZAT "Biełaruskaja kalijnaja kampanija" Valeryja Ivanova.
Jak paviedamlaje pres-słužba kiraŭnika dziaržavy, razmova išła ab stanoviščy spraŭ u BKK i situacyi na kalijnym rynku.
Pavodle słoŭ Ivanova, situacyja na kalijnym rynku narmalizavałasia. Biełaruś zaklučyła kantrakt na pastaŭku 1 młn. ton kalijnych uhnajeńniaŭ z Kitajem, praviała pieramovy z brazilskimi partniorami, u bližejšyja dva dni płanuje padpisać kantrakt na pastaŭku 1 młn. ton kalijnych uhnajeńniaŭ u Indyju. Ivanoŭ zaznačyŭ, što pa vynikach pracy za studzień 2013 hoda BKK realizavana kalijnych uhnajeńniaŭ bolš, čym u studzieni minułaha hoda, i ŭ cełym pakazčyki pracy za pieršy kvartał buduć našmat vyšejšyja za ŭzrovień takoha ž letašniaha pieryjadu.
Na sustrečy ŭźnimałasia pytańnie ab pieravozcy biełaruskich hruzaŭ marskim transpartam, u pryvatnaści, ab dastaŭcy kalijnych uhnajeńniaŭ u party pryznačeńnia.
Łukašenka zaznačyŭ, što aznajomleny z vynikami razhladu hetaha pytańnia va ŭradzie. "Ale ja niejak nie mahu zrazumieć niejkija razvažańni, čysta biełaruski varyjant, što kali my budziem sami vazić, to heta moža być i nie tańniej, čym u inšych pieravozčykaŭ. Heta značyć, na svajoj mašynie ci na svaim sudnie pieravozić ledź nie daražej atrymlivajecca, na dumku ŭrada, čym na čužym transparcie. Voś ja nijak hetaha nie mahu zrazumieć. Chacia ŭsio ž zaležyć ad nas. Kali ŭ našych rukach tavar, u našych rukach aŭtamabil ci sudna, to my heta ŭsio i rehulujem. Jak možna tut atrymać mienšy prybytak, dachod, čym supracoŭničać z čužymi? Ja nijak nie mahu zrazumieć", — skazaŭ kiraŭnik dziaržavy.
Jon źviarnuŭ uvahu na toj fakt, što Biełaruś jak kraina z ekspartna aryjentavanaj ekanomikaj pieravozić dziasiatki miljonaŭ ton hruzaŭ. "I nie ŭsio my pieravozim čyhunačnym, aŭtamabilnym transpartam. Napeŭna, treć ci čverć hruzim u partach. Heta dziasiatki miljonaŭ ton. My tut mahli b zarablać niebłahija hrošy, jak mnie zdajecca", — padkreśliŭ Łukašenka.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu26
Kamientary