Prafiłaktyčny nahlad za Parfiankovym budzie dziejničać jašče jak minimum piać miesiacaŭ
Jon maje namier praciahvać hramadskuju dziejnaść, naviedvać roznyja akcyi, «padtrymlivać biełaruski ruch».
Prafiłaktyčny nahlad za Vasilom Parfiankovym, jaki siońnia vyjšaŭ na volu z aryštnaha doma baranavickaha SIZA № 1, budzie dziejničać jašče 5–7 miesiacaŭ.Pra heta były palitźniavoleny skazaŭ žurnalistam, kali prybyŭ u Minsk z Baranavičaŭ.
Vasil Parfiankoŭ byŭ pieršym, kaho asudzili pa kryminalnaj spravie ab padziejach 19 śniežnia 2010 hoda. U lutym
5 studzienia 2012 hoda za Parfiankovym ustanavili prafiłaktyčny nahlad. U krasaviku ŭ dačynieńni da jaho raspačali novuju kryminalnuju spravu — za parušeńnie ŭmoŭ nahladu, a ŭ mai jon byŭ asudžany na paŭhoda aryštu.9 žniŭnia Parfiankova etapavali ŭ aryštny dom u Baranavičy.
Kažučy pra svajo znachodžańnie ŭ aryštnym domie, Parfiankoŭ zaznačyŭ, što
bolšaść źniavolenych tam — «narmalnyja ludzi, jakija siadziać ni za što».Jon raskazaŭ historyju adnaho sa svaich sakamiernikaŭ, jaki atrymaŭ termin za niavypłatu alimientaŭ, i, pakul jon siadzić, jaho zapazyčanaść praciahvaje ŭzrastać. U vyniku čałaviek pazbaŭleny mahčymaści zarablać hrošy, kab vypłačvać alimienty: «jon vychodzić z turmy, jaho znoŭ u jaje sadžajuć — heta absurdnaja situacyja». Takija situacyi, pavodle słoŭ Parfiankova, farmirujuć niehatyŭnaje staŭleńnie źniavolenych da ŭład i pravaachoŭnaj sistemy.
Staŭleńnie ž da samoha Parfiankova, jak pradstaŭnika apazicyi, było, pavodle jaho słoŭ, u cełym adekvatnaje.Jon atrymlivaŭ niedziaržaŭnyja haziety, jakija dapamahali sakamiernikam «adukoŭvacca». Niekatoryja ludzi «mnohaha nie razumieli, davodziłasia im tłumačyć», skazaŭ były palitźniavoleny.
Pavodle słoŭ Parfiankova, asablivaha nacisku z boku administracyi aryštnaha doma jon nie adčuvaŭ. Što da ŭmoŭ utrymańnia, to, jak zaznačyŭ były źniavoleny,
«baranavickaja turma — heta novy korpus, chapaje płoščy, pavietra, sanitarnaje stanovišča narmalnaje, pryčapicca asabliva niama da čaho».
Parfiankoŭ zajaviŭ, što adčuvaŭ «vialikuju padtrymku». Jamu rehularna prychodziła karespandencyja, jon atrymlivaŭ šmat listoŭ, vinšavańniaŭ na dzień naradžeńnia i Novy hod.
«Na Novy hod ja atrymaŭ bolš jak 300 listoŭ ź Biełarusi, Rasii, Ukrainy, Čechii, Litvy, Polščy, navat z Vašynhtona.Byli listy ad biełaruskaj dyjaspary ŭ Kanadzie», — paviedamiŭ były palitźniavoleny.
Ciaham bližejšych troch sutak Parfiankoŭ pavinien stać na ŭlik u milicyi. Prafiłaktyčny nahlad za im, prypynieny z momantu asudžeńnia, paśla jaho vychadu na volu praciahniecca. Pavodle słoŭ Parfiankova, nahlad budzie dziejničać jašče 5–7 miesiacaŭ.
Zaraz hramadzianski aktyvist pavinien pracaŭładkavacca.
Admaŭlacca ad svajoj aktyŭnaj hramadzianskaj pazicyi Parfiankoŭ nie źbirajecca. Jon maje namier praciahvać hramadskuju dziejnaść, naviedvać roznyja akcyi, «padtrymlivać biełaruski ruch».
Pavodle słoŭ Parfiankova, jon «zastaŭsia takim ža, jakim i byŭ», i hatovy «da roznych niepryjemnaściaŭ z boku pravaachoŭnikaŭ».
«Znoŭ trapić za kraty nie strašna, tamu što ja nie rablu ničoha złačynnaha. Ja vykazvaju svajo mierkavańnie, pra heta skazana ŭ Kanstytucyi. Ja maju na heta prava i budu jaho realizoŭvać», —padkreśliŭ jon.
Vybar, da jakoj palityčnaj siły dałučycca, pierad Parfiankovym nie staić — jon zajaviŭ, što padtrymaje ŭsich, «chto staić za Biełaruś». «Zaraz ja nie źjaŭlajusia členam nivodnaj palityčnaj ci hramadskaj arhanizacyi. Kali ja baču, što ludzi zajmajucca spravaj Biełarusi, zaŭsiody padtrymaju i budu ź imi, chto b heta ni byŭ: «Havary praŭdu», «Małady front» ci «Jeŭrapiejskaja Biełaruś», — zajaviŭ Vasil Parfiankoŭ, jaki na prezidenckich vybarach 2010 hoda byŭ aktyvistam štaba Uładzimira Niaklajeva, ciapierašniaha lidara kampanii «Havary praŭdu!».
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary