Kala 400 indyvidualnych pradprymalnikaŭ z bujnoha homielskaha handlovaha centra na dzień spynili pracu, pratestujučy suprać rezkaha pavyšeńnia arendnaj płaty.
Minułaj vosieńniu pradprymalnikam udałosia adbicca ad takich namieraŭ arandadaŭcaŭ. Ciapier čarhovy kanflikt.Uładalniki płoščaŭ handlovaha centra pa vulicy Haharyna ŭ Homieli ŭźniali arendnuju płatu ŭ paŭtara-dva razy. Mietr handlovaj płoščy ciapier abychodzicca da 115 jeŭra ŭ miesiac.
Heta stavić pad pytańnie efiektyŭnaść pracy handlaroŭ i pahražaje biznesu 400 indyvidualnych pradprymalnikaŭ. Handlary, jakija abviaścili adnadzionny strajk, kažuć, što pahadžajucca na rost arendnych płaciažoŭ na 5% u hod, ale nie ŭ dva razy. Niekatoryja ŭvohule miarkujuć, što z 1 sakavika im daviadziecca začynić svaje kramki nie na dzień, a nazusim.
U handlovy centr pryjšoŭ čynoŭnik upraŭleńnia ekanomiki Homielskaha abłvykankama Juryj Asipkoŭ, jaki zajaviŭ, što ŭłaśniki «Sakreta» — pryvatnyja kampanii, na jakija ŭłady nijak nie mohuć paŭpłyvać.
Kamientary