Biełstat sumiesna z UNICEF pravioŭ daśledavańni, datyčnyja stanu žančyn i dziaciej u Biełarusi. Adnym z abjektaŭ daśledavańnia stała raspaŭsiudžanaść hrudnoha hadavańnia. Vynikaje, što vialikaja dola žančyn u našaj krainie ciapier nie kormiać małych cyckaj.
Pa vynikach abśledavańnia, pry naradžeńni karmić cyckaj pačynajuć 80% małych. U 6 miesiacaŭ hetaja ličba źnižajecca da 50%.
U hod 28% dziaciej jašče biaruć cycku, u 2 hady — 12%.
Ciažka zrazumieć, čamu až pałova maciarok nie dakormlivaje małych cyckaj navat da paŭhoda. U Biełarusi žančyny paśla naradžeńnia dziciaci znachodziacca ŭ dekretnym adpačynku, h.zn. fizična znachodziacca pobač ź dziciom.
Hadavańnie cyckaj i praściejšaje ŭ paraŭnańni sa štučnymi małočnymi sumiesiami, bo nie patrabuje niejkich admysłovych zachadaŭ. U pryncypie, u čałavieka, jak i ŭ inšych sysunoŭ małaka maci byvaje dosyć dla patomstva.
Takaja nizkaja ličba maci, jakija dajuć dzieciam cycku, moža tłumačycca ci prablemami sa zdaroŭjem maci, ci pierakryŭlenymi sacyjalnymi standartami.
Hrudnoje hadavańnie ličycca vielmi karysnym dla dziaciej, bo spryjaje najlepšamu ich raźvićciu. Vialikaja kolkaść daślednikaŭ ličyć, što admova ad hrudnoha hadavańnia moža taksama mieć admoŭnyja nastupstvy dla pierśpiektyvaŭ čałaviectva jak bijałahičnaha vidu.
* * *
A Vy karmili cyckaj? A Vas?
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary