Mitrapalit Kandrusievič: My čakajem novaha Papu ŭ Biełarusi
Arcybiskup Tadevuš Kandrusievič, Mitrapalit Minska-Mahiloŭski vystupiŭ sa zvarotam da katolikaŭ Biełarusi z nahody abrańnia Papy Franciška I.
Poŭny tekst zvarotu źmieščany na sajcie catholic.by
Katoliki Biełarusi z udziačnaściu Bohu i nadziejaj pryniali abrańnie novaha Papy.Jany vykazvajuć jamu svaju pašanu i pasłuchmianaść, bačać u im Dobraha Pastyra, jaki paviadzie ich u novy čas i budzie ich duchoŭna padtrymlivać. My čakajem sustrečy z novaabranym Papam na biełaruskaj ziamli.
Padčas svajoj pieršaj pramovy Horadu i Śvietu adrazu paśla abrańnia papa Francišak I paprasiŭ malicca ŭ jaho intencyi i skazaŭ, što z hetaha dnia raspačynajecca šlach supracoŭnictva, braterstva i lubovi pamiž im i narodami.
U hetuju ŭračystuju chvilinu zaklikaju ŭsich vas, śviatary, kansekravanyja asoby i vierny narod, svaimi malitvami i prykładam žyćcia padtrymlivać novaha Pantyfika Franciška I.Heta naš, jak vierujučych, śviaty abaviazak. My nazyvajem Papu Śviatym Ajcom, hetym samym my padkreślivajem svaju synoŭnuju addanaść jamu.
Biez vahańnia treba skazać, što toj, chto ŭziaŭ na siabie misiju słužeńnia Piatra ŭ naš čas, tym samym uskłaŭ na svaje plečy ciažki kryž. Budziem pamiatać, što heta taksama i kryž Kaścioła ŭ Biełarusi. Svaimi malitvami, maralnym žyćciom, dobrymi spravami i dumkami, a taksama chryścijanskim śviedčańniem budziem razam z novym Papam ad pieršych dzion jaho słužeńnia, bo kryž, jaki jon uziaŭ na svaje plečy, naležyć da Božaha płanu zbaŭleńnia śvietu.
Božaja Maci Budsłaŭskaja, jakaja ŭžo 400 hadoŭ vaładaryš na našaj ziamli, achini svajoj apiekaj našaha papu Franciška I, vyprasi ŭ svajho Syna Jezusa Chrysta patrebnyja jamu łaski,kab jon umacoŭvaŭ našu vieru, vučyŭ budavać žyćcio na chryścijanskich kaštoŭnaściach, davaŭ novuju nadzieju, pamnažaŭ luboŭ, baraniŭ pravy čałavieka i asabliva prava na relihijnuju svabodu i na žyćcio, zmahaŭsia za sacyjalnuju spraviadlivaść, umacoŭvaŭ mir i ŭzajemaparazumieńnie pamiž narodami, raźvivaŭ mižchryścijanski i mižrelihijny dyjałoh, budavaŭ cyvilizacyju lubovi, natchniaŭ Kaścioł być bolš adkrytym śvietu i efiektyŭna adkazvać na vykliki času.
(...)
Z błahasłaŭleńniem
Arcybiskup Tadevuš Kandrusievič
Mitrapalit Minska-Mahiloŭski
Minsk, 13 sakavika 2013 h.
P.S. Hłybokapavažanyja śviatary niachaj pračytajuć hety Zvarot viernikam 17 sakavika 2013 h. i razam ź imi pamolacca ŭ intencyi papy Franciška I.
Kamientary