Cieraškovič: Čas taki, što EHU pavinien vyžyvać sam
Prafiesar Pavieł Cieraškovič, jak staršynia Sienata EHU, prakamientavaŭ čutki adnosna skaračeńnia finansavańnia navučalnaj ustanovy ŭ dva razy.
Pavieł Cieraškovič: Chaču paćvierdzić, što sapraŭdy ekśpiert Jeŭrakamisii Styvien Viebier pracavaŭ u našym univiersitecie. Jon padrychtavaŭ padrabiaznuju spravazdaču, u jakoj razhladajucca mahčymyja scenary raźvićcia našaha prajekta. Ale nijakich rašeńniaŭ Jeŭrakamisija pakul nie prymała. Jość hrupa ekśpiertaŭ univiersiteta, akademičnaja supolnaść taksama hetym zajmajecca, jakaja raspracoŭvaje adkaz na spravazdaču i našaje bačańnie budučyni. Tut niama nijakaj siensacyi, trahiedyi, bo ŭniviersitet davoli ŭstojlivaja struktura. Zrazumieła, što raniej ci paźniej nam daviadziecca admaŭlacca ad donarskaj dapamohi. Ale heta absalutna narmalna.
«NN»: Siońnia mahčyma humanitarnaja adukacyja biez dapamohi donaraŭ?
PC: Tak. Jość dastatkova vialikaja kolkaść univiersitetaŭ, u tym liku ŭ Litvie, jakija vyžyvajuć za svoj košt. U našym vypadku situacyja takaja, što dapamoha budzie skaračacca. Ale čas taki, što EHU pavinien vyžyvać sam.
«NN»: Rearhanizacyi EHU być?
PC: Zrazumieła, što kožnaja struktura pavinna mianiacca, kab lepiej adaptoŭvacca da sučasnych umovaŭ. Faktyčna, u nas hety praces nikoli nie spyniaŭsia.
«NN»: Ci mahčyma, što EHU stanie
PC: Nie, pra toje havorka nie idzie. My pavinny bolš aktyŭna pracavać nie tolki na biełaruskim rynku, jaki biezumoŭna zastaniecca dla nas asnoŭnym, ale my mahli b pryciahvać studentaŭ z Ukrainy, Rasiei, krain Bałtyi, rasiejskaha ankłava — Kalininhradu. Heta mahčyma i pazityŭna. Studenty, asabliva z Rasii, mahli b aznajomicca ź biełaruskimi realijami, historyjaj.
«NN»: A što tady rabić ź biełaruskamoŭnymi vykładčykami?
PC: U nas ciapier nie tak šmat studentaŭ, jakija nie viedajuć biełaruskaj movy. Ale jość. Jany dastatkova chutka pačynajuć i razumieć, i čytać
«NN»: Ci realny varyjant, što EHU dałučycca da adnaho ź litoŭskich univieraŭ?
PC: Heta adzin sa scenaraŭ. Ale akademičnaja supolnaść nie ličyć hety varyjant pierśpiektyŭnym. Ja nie dumaju, što ŭ Litvie jość choć adna instytucyja, jakaja zhadziłasia b nas pryniać.
«NN»: Sychodziačy z vašych słovaŭ EHU zastaniecca samastojnym VNU?
PC: Tak. Prosta mianiajucca peŭnyja kirunki pracy. I heta nie tolki vychad na ŭkrainski i rasijski rynak. Napeŭna, budzie raźvivacca dystancyjnaja adukacyja. Cikavaja inicyjatyva jość u našych siabroŭ ź Niamieččyny, što była ahučanaja na nn.by.
«NN»: Rearhanizacyja nie ŭdaryć pa zarobkach vykładčykaŭ?
PC: Ciažka skazać. Ja nie maju niepasrednaha dačynieńnia da finansaŭ. Ale, dumaju, što budzie zroblena ŭsio mahčymaje, kab jany zastalisia na raniejšym uzroŭni.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina22
Kamientary