28 sakavika ŭ Minsku na arhanizavanych pa zaprašeńni Biełarusi dvuchbakovych palityčnych kansultacyjach ministerstvaŭ zamiežnych spraŭ Litvy i Biełarusi byli abmierkavanyja aktualnyja pytańni palityčnaha, ekanamičnaha, kulturnaha supracoŭnictva, adnosiny ES i Biełarusi, mahčymaści dla Biełarusi bolš aktyŭna ŭdzielničać u inicyjatyvie Uschodniaha partniorstva z nabližeńniem staršynstva Litvy ŭ Radzie ES i sustrečy kiraŭnictva Uschodniaha partniorstva ŭ Vilni, paviedamlaje sajt Pasolstva Litvy ŭ Biełarusi.
Delehacyjami krain kiravali vice-ministr zamiežnych spraŭ Litvy Andrus Kryvas i namieśnik ministra zamiežnych spraŭ Biełarusi Alena Kupčyna. A. Kryvas taksama sustreŭsia ź ministram zamiežnych spraŭ Biełarusi Uładzimiram Makiejem.
Padčas kansultacyj byli abmierkavanyja i pytańni sa stanoviščam pravoŭ čałavieka, pa jakich Jeŭrapiejski Sajuz i ŭsie jaho krainy-členy majuć surjoznyja roznahałośsi ź Biełaruśsiu.
Čakajecca, što ŭ bližejšy čas atrymajecca narmalizavać adnosiny Biełarusi ź ES šlacham vyzvaleńnia i reabilitacyi palityčnych viaźniaŭ. Heta, pa słovach A. Kryvasa, dazvoliła b Biełarusi aktyŭna skarystać mahčymaści, jakija daje instrumient Uschodniaha partniorstva ES, nie zastavacca pa-za inicyjatyvami ES u rehijonie.ES taksama čakaje adkazu Biełarusi na zroblenuju ŭ 2011 h. prapanovu raspačać pieramovy nakont damovy ab spraščeńni vizavaha režymu.
Padpisańnie takoj damovy, akramia inšaha, dazvoliła b źmienšyć dla biełarusaŭ košt šenhienskich viz.
Krainy stanoŭča acanili raźvićcio ekanamičnaha supracoŭnictva Litvy i Biełarusi, asabliva uzrosłyja ŭ apošnija hady patoki dvuchbakovaha handlu i tranzitu biełaruskich hruzaŭ praź Litvu. Havaryłasia i ab padrychtoŭcy da nadychodziačych dvuchbakovych mierapryjemstvaŭ pa ekanamičnym supracoŭnictvie, u jakich prymuć udzieł pradstaŭniki dziełavych tavarystvaŭ abiedźviuch krain, pierš za ŭsio – IX ekanamičnaha forumu Litvy i Biełarusi, jaki adbudziecca 18-19 krasavika ŭ Kłajpiedzie. Akramia taho, byli abmierkavanyja mahčymyja šlachi vyrašeńnia prablem na punktach pierasiačeńnia miažy.
Imknučysia raźvivać suviazi pamiž žycharami Litvy i Biełarusi, A. Kryvas zaklikaŭ biełaruskich kalehaŭ da zakančeńnia pracedur, nieabchodnych dla ŭstupleńnia ŭ siłu dvuchbakovaj mižuradavaj damovy ab paradku pajezdak žycharoŭ pamiežža Litvy i Biełarusi. Litva ab zakančeńni adpaviednych pracedur infarmavała Biełaruś 1 sakavika 2012 h.
U chodzie kansultacyj taksama byli abmierkavanyja pytańni, jakija vyklikajuć zaniepakojenaść Litvy, źviazanyja ź biaśpiekaj astravieckaj atamnaj elektrastancyi.Litva paprasiła bolš infarmacyi i prazrystaści z boku Biełarusi. Litva i Biełaruś u śniežni 2012 h. adznačyli dvaccacihodździe ŭstalavańnia dypłamatyčnych adnosin. U apošnija niekalki hod dvuchbakovyja adnosiny intensiŭna razivajucca ŭ halinach ekanomiki, palityki, kultury, turyzmu, transpartu dy inš.
Kamientary