Niekatoryja ekśpierty staviać na adnu došku niezaležnuju Biełaruskuju asacyjacyju žurnalistaŭ (BAŽ) i aficyjny Biełaruski sajuz žurnalistaŭ (BSŽ). Maŭlaŭ, hetyja arhanizacyi abjadnoŭvajuć majstroŭ piara i kamiery, tolki roznych palityčnych pohladaŭ…
A zaraz test.
KDB i hrodzienskija ideołahi sprabujuć abviaścić ekstremisckim albom z najlepšymi fatahrafijami za 2011 hod «Biełaruś pres fota». U albom, vydadzieny pa vynikach prestyžnaha konkursa, z dastojnym žury, uvajšli pracy jak siabroŭ BAŽ, tak i BSŽ. Havorka pieradusim pra parušeńnie svabody słova, pra žadańnie debistaŭ i ideołahaŭ vyznačać, što žurnalisty pavinny zdymać i što nie pavinny — žadańnie, jakoje piarečyć jak zakonam krainy, tak i zdarovamu sensu.
Dyk voś, pabačym, ci pryjedzie staršynia Biełaruskaha sajuza žurnalistaŭ Anatol Lemiašonak u sud u Ašmiany 17 krasavika, kab vykazać svajo mierkavańnie adnosna pazovu. Ci vystupić BSŽ zajavaj z hetaj nahody? Ci pisknie choć?
Staŭlu miljon — nie pisknie.
Ja heta kažu da taho, što časam čuju: treba BAŽ i BSŽ siadać za adzin stoł, vypracoŭvać supolny etyčny kodeks… Karaciej, chočuć, kab niezaležnyja žurnalisty tracili čas na havarylniu zamiest vykanańnia svaich prafiesijnych abaviazkaŭ. Nie dumaju, što heta treba tut i ciapier.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary