Atunbajeva: Bakijeva vypuścili z Kyrhyzstana na prośbu troch prezidentaŭ
Eks-prezident Kyrhyzstana Roza Atunbajeva zajaviła, što zrynutamu prezidentu Kurmanbieku Bakijevu byŭ dazvoleny vyjezd z krainy pavodle jaje zahadu.
«Ciapier šmat chto vinavacić tych, chto adpuściŭ Bakijeva. Ja jaho adpuściła, i ja hatovaja nieści adkaznaść», — zajaviła Roza Atunbajeva na navukova-praktyčnaj kanfierencyi, pryśviečanaj revalucyjam, jakija adbylisia ŭ krainie ŭ 2005 i 2010 hadach.
Taksama Atunbajeva paviedamiła, što hetaje rašeńnie było pryniataje na prośbu prezidentaŭ Kazachstana, Rasii i ZŠA.
«Mnohija tady nie padtrymali mianie, i mnie pryjšłosia ŭziać na siabie adkaznaść. Prezidenty dźviuch dziaržaŭ nastojvali na hetym i kazali, što vam patrebna naša dapamoha i my dapamožam. Ja ŭpeŭnienaja, što ŭsie našy rašeńni byli pryniatyja pravilna.
Paśla 7 krasavika Bakijeŭ znachodziŭsia na poŭdni i nabiraŭ siłu, u krainie była składanaja situacyja, jakaja pahražała pieraraści ŭ hramadzianskuju vajnu», - adznačyła eks-prezident.
27 lutaha kyrhyzskaja hienprakuratura paŭtorna nakiravała ŭ hienprakuraturu Biełarusi patrabavańnie ab vydačy Kurmanbieka Bakijeva i jaho brata Džanybieka Bakijeva dla vykanańnia vyniesienaha im prysudu. Vajskovy sud Biškiekskaha harnizona prysudziŭ K.Bakijevu 24 hady pazbaŭleńnia voli, a jaho bratu, byłomu kiraŭniku słužby dziaržachovy — pažyćciovaje źniavoleńnie. Jany zavočna asudžanyja pa spravie ab zabojstvie eks-kiraŭnika administracyi prezidenta Miedeta Sadyrkułava, Siarhieja Ślepčanki i Kubata Sułajmanava.
Kurmanbiek Bakijeŭ prybyŭ u Biełaruś 19 krasavika 2010 h. na zaprašeńnie Łukašenki. Jon atrymaŭ biełaruskaje hramadzianstva i nabyŭ nieruchomaść na ŭskrainie Minska.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary