Sprava ab ekstremiźmie: ekśpiertu Chilutu nie spadabaŭsia zdymak Hudzilina pra vojska
Zahadčyk kafiedry kryminalnaha prava i kryminałohii jurydyčnaha fakulteta Hrodzienskaha dziaržaŭnaha ŭniviersiteta imia Janki Kupały Vadzim Chiluta pahadziŭsia adkazać na pytańni adnosna vynikaŭ ekśpiertyzy fotaalboma «Pres-fota Biełarusi» za 2011 hod, u jakoj jon braŭ udzieł.
«Kamisija ekśpiertaŭ pryznała fotaalbom ekstremisckim. A vaša asabistaja dumka z hetaj vysnovaj supała?»
«Ja nie byŭ staršyniom kamisii. Kožny vykazvaŭ svaju dumku, našy pažadańni ŭ niejkaj stupieni byli adlustravanyja, u niejkaj — nie. Ale vynikovy dakumient padpisany ŭsimi siabrami kamisii, i kali b była niejkaja asobnaja dumka ŭ kahości, jaje b možna było paznačyć. Ale takich dadatkovych dakumentaŭ niama, nakolki viedaju. Što da mianie, u mianie asobnaj dumki nie było».
«Nu chacia b jaki zdymak vam zapomniŭsia?»
Chiluta: «Zdymak pra słužbu ŭ biełaruskim vojsku»
«Dzie siadzić šmat sałdat u majkach, a na ścianie partret Łukašenki?»
Chiluta: «Tak. Niešta nia vielmi jon mnie spadabaŭsia».
«A ŭ čym ekstremizm u hetym fatazdymku? Fatohraf jaho ž nie prydumaŭ, što było, toje i było?»
Chiluta: «Och...Jość zakon, i možna ŭ zakonie pahladzieć, što moža ličycca ekstremisckaj dziejnaściu. Ale tut acenka nie peŭnych fatazdymkaŭ: 1-ha, 2-ha, 10-ha, 25-ha ci 50-ha. Heta była ahulnaja acenka».
«A kolki času vam davałasia na aznajamleńnie z fotaalbomam?»
Chiluta: «Asabista mnie dali čas u miežach adnaho dnia. Mnie chapiła».
«Ci davodziłasia vam raniej pracavać u składzie padobnych kamisijaŭ?»
Chiluta: «Tak. U niepasredna takoj — nie, ale ŭ padobnych — tak. Bo ja nie ŭsio žyćcio pracavaŭ va ŭniviersitecie, a raniej pracavaŭ jak juryst u sudach, orhanach justycyi i ŭdzielničaŭ u pracy šmat jakich kamisijaŭ».
Hladzi taksama: «U vojsku my hladzieli naviny, jak na fota ŭ Hudzilina, kožny viečar»
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary