Samaja tannaja kvatera ŭ Minsku pradajecca za $40 tysiač
Heta adnapakajoŭka płoščaj 25,3 m² na vulicy Minina.
Zhodna z padlikami sajta Realt.by,
cana prapanovy kvadratnaha mietra ŭ Minsku dasiahnuła $1608. Heta maksimalny pakazčyk za apošnija čatyry hady.Pryčym ličba praciahvaje raści, štotydzień na 0,5–1%. Realny košt uhodaŭ tym časam mienšy na $50–70, adnak usio adno bje rekordy apošnich hadoŭ.
Što da novabudoŭlaŭ, to siaredniaja cana kvadratnaha mietra dasiahnuła $1482. Pabudavać kvateru ŭ Minsku bieź ilhotaŭ ciapier kaštuje daražej, čym u Kijevie!
Jakuju sumu treba mieć, kab nabyć sabie choć jakuju kvateru ŭ stalicy Biełarusi? Jak minimum $40 tysiač!
Zhodna z bazaj kvateraŭ, vystaŭlenych na prodaž, stolki kaštuje samaje tannaje žytło.
Heta adnapakajoŭka płoščaj 25,3 m² na vulicy Minina ŭ dvuchpaviarchoviku, pabudavanym u 1948 hodzie, z «narmalnym ramontam».
Na $500 daražejšaja kvatera na vulicy Čyhładze. Pieršy pavierch chruščoŭki, sumieščany sanvuzieł, usio tyja ž draŭlanyja padłohi, jak i na Minina… Płošča kvatery składaje mizernyja 23 m².
Na toj samaj Čyhładze pradajecca małasiamiejka za $43 tysiačy. Pa płoščy jana jašče mienšaja — 21 m². Zatoje na padłozie linoleum.
Aproč hetych troch adnakapajovak, majučy biudžet $45 tysiač, možna znajści tolki kvateru kala vulicy Miendzielejeva. Płošča ŭ joj taksama składaje 21 m².
* * *
Jak vy dumajecie, ci apraŭdanyja takija vysokija ceny na žyllo? Vykazvajciesia ŭ kamientarach.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary