Jermakova: My pavinny dumać svajoj hałavoj, a nie skakać pad dudku MVF
My pavinny dumać svajoj hałavoj, a nie skakać pad dudku MVF, zajaviła 19 červienia žurnalistam u Minsku staršynia praŭleńnia Nacyjanalnaha banka, aceńvajučy pierśpiektyvy realizacyi novaj kredytnaj prahramy z fondam.
«Vy viedajecie, što MVF pradjaŭlaje da nas žorstkija patrabavańni, jakija nie tolki źviazanyja z ekanamičnymi pytańniami, ale i ŭviazanyja z palityčnymi, — cytuje Jermakovu ahienctva BiełTA. — Čamu my pavinny skakać pad ich dudku? My pavinny dumać svajoj hałavoj, jak nam žyć dla taho, kab raźvivałasia naša ekanomika, kab u nas u krainie było stabilna i kab my nie išli za pazyčańniem, a skaračali daŭhi».
Miž tym raniej Saviet dyrektaraŭ MVF adznačyŭ zacikaŭlenaść uładaŭ Biełarusi ŭ novaj damoŭlenaści z fondam. «Umovaj zaklučeńnia takoj damoŭlenaści pavinna być ćviordaja prychilnaść uład da realizacyi kompleksnaha i paśladoŭnaha pakieta mier palityki i strukturnych reform», — padkreślivałasia ŭ paviedamleńni fondu.
U sakaviku ŭ Minsku pracavała misija MVF, jakaja pravodziła čaćviorty postprahramny manitorynh biełaruskaj ekanomiki paśla ažyćciaŭleńnia prahramy
Kiraŭnik misii MVF u Biełarusi Devid Chofman u chodzie sakavickaj sustrečy z žurnalistami paviedamiŭ, što dla novaj prahramy supracoŭnictva ź Biełaruśsiu nieabchodny pakiet mier pa refarmavańni ekanomiki, padtrymany na samym vysokim uzroŭni.
Pavodle jaho słoŭ, MVF i Biełaruś pakul niaznačna prasunulisia ŭ pieramovach ab novaj prahramie supracoŭnictva, jakaja mahła b być padtrymana finansavańniem z boku fondu.
U 2009–2010 hadach Biełaruś atrymała ad MVF u ramkach prahramy
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary